Ўзбекистонда эски уйларни сотиб олиш учун ипотека кредитлари йил охирида очилиши мумкин

Ўзбекистонда иккиламчи бозордан (эски уйлар) уй-жойлар сотиб олиш учун ипотека кредитлари йил охирида очилиши мумкин. Бу ҳақда Молия вазирлиги Ипотека кредити бозорини молиялаштириш ва ривожлантириш департаменти директори Бахтиёр Ражабов айтиб ўтди. 

Ипотекани қайта молиялаштириш компанияси 2019 йилда ташкил қилинган эди. 

Мазкур компания очилиши Осиё тараққиёт банки билан 2019 йилда қарз битимлар доирасида амалга оширилган. 

Яъни компания фаолиятини ташкил этиш учун Осиё тараққиёт банкидан давлат кафолати асосида 150 миллион доллар маблағлар жалб этилган.

Компания билан Осиё тараққиёт банки мезонларга мос келган кредитларни қайта молиялаштирилади. 

Бугунги кунда қўшимча маблағлар жалб этиш бўйича ҳам иш олиб борилмоқда. Музокаралар шу йил охиригача бўлади. Ўзаро келишувлар тугаганидан сўнг битимлар асосида Ипотекани қайта молиялаш компанияси томонидан банклар томонидан ажратилган ипотека кредитлари қайта молиялаштирилади, — дейди Бахтиёр Ражабов. 

Аввалроқ Ўзбекистонда уч ой ичида эски уйлар кескин қимматлагани ҳақида хабар берилган эди.