Тошкент шаҳрининг Янгиҳаёт тумани «Янги Чоштепа» маҳалласи 1 сентябрь куни электрсиз қолгани ҳақида «Мухбир Далиев» Telegram-каналида хабар берилган эди. Энергетика вазирлиги матбуот котиби ҳолат юзасидан муносабат билдирди.
Қайд этилишича, ҳақиқатан ҳам соат 16:24 да Янгиҳаёт туманидаги юқори кучланишли «Рубоий» подстанциясидаги истеъмолчи тасарруфида бўлган 10 кВ тармоқда носозлик юзага келган. Ушбу носозлик электр таъминоти корхонаси томонидан соат 17:45 да (1,5 соатда) бартараф этилган ва истеъмолчиларнинг электр таъминоти тўлиқ қайта тикланган.
Эслатиб ўтамиз, истеъмолчиларнинг электр таъминоти барқарорлигини таъминлаш мақсадида республика бўйлаб тун-у кун ишлайдиган навбатчилик бригадалари ташкил этилган ва барча зарурий техникалар ва материаллар билан таъминланган. Ҳурматли истеъмолчилар, электр энергияси таъминоти юзасидан 1154 қисқа рақами ёки Telegram’даги (@HET_admin) администраторга мурожаат қилишингиз мумкин, — дейилади хабарда.Аввалроқ Энергетика вазирлиги мамлакат мустақиллигининг 31 йиллик байрамини юқори даражада ўтказиш мақсадида тизим ташкилотлари томонидан истеъмолчиларни энергия ресурслари билан барқарор таъминлаш чоралари кўрилганини эълон қилганди.
Изоҳ (0)