Rossiyada og‘ir kasallikka chalingan O‘zbekiston fuqarosi oilasi bilan vatanga qaytarildi

Rossiyaning Sankt-Peterburg shahrida og‘ir kasallikka chalingan O‘zbekiston fuqarosi oilasi bilan ortga qaytarildi. Bu haqda Tashqi mehnat migratsiyasi agentligi xabar bermoqda.

Ma’lum qilinishicha, S.N. Rossiyaga 2022-yil 7-yanvar kuni oilasi bilan vaqtinchalik mehnat faoliyatini amalga oshirish uchun borgan. Ammo 20-iyun kuni salomatligi yomonlashib, shifoxonaga yotqizilgan. Shundan so‘ng S.N. ishga layoqatsiz bo‘lib qolgani sababli Tashqi mehnat migratsiyasi agentligining Sankt-Peterburg shahridagi vakilligiga vatanga qaytishda yordam so‘rab murojaat qilgan.

Fuqaroga Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari hisobidan aviachipta olib berildi va Sankt-Peterburg–Samarqand yo‘nalishidagi aviareys bilan vatanga qaytarildi.

Mavzuga doir:

• Rossiyada hujjatlarini yo‘qotib qo‘ygan o‘zbekistonlik ayol vatanga qaytarildi
• Rossiyada qiyin ahvolda qolgan fuqaro O‘zbekistonga qaytarildi
• Rossiyada qiyin ahvolga tushib qolgan o‘zbekistonlik oila vatanga qaytarildi (video)