Голливудинг таниқли актёри Жонни Депп мусиқий тақдирлаш маросимида MTV VMA мукофотининг рамзи — Ой одами образида пайдо бўлди, деб ёзади «Kino.mail.ru».
59 ёшли актёр АҚШнинг Нюарк шаҳридаги Пруденшал маркази спорт мажмуаси саҳнаси тепасида голограмма — скафандр кийган одам кўринишида пайдо бўлди. У саҳна тепасида парвоз қилиб, унга пул керак бўлганини айтди. «Биласизми? Менга иш керак эди», — деди актёр.
Кейинчалик Депп яна бир бор Ой одами қиёфасида пайдо бўлди. «Болалар, мен туғилган кун, тўй, турли хил маросимлар — нимани хоҳласангиз, қила оламан. Мен яна тиш шифокориман», — дея ҳазил қилди актёр.
2022 йилда Жонни Депп ҳеч қайси номинация бўйича мукофотга номзод бўлмади. Бироқ ўтган йиллар мобайнида у «Энг яхши актёр» ва «Энг яхши салбий рол ижрочиси» номинациялари бўйича бешта «Ой одами» ҳайкалчасини қўлга киритган. Актёрнинг кутилмаган образда маросимда иштирок этиши атиги бир ҳафта олдин маълум бўлган.
Изоҳ (0)