Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Актриса Юлдуз Ражабова янги сурати билан кўриниш берди.
Актриса, инстаблогер Феруза Норматова опа-сингиллари билан тушган видеосини эълон қилди.
Маҳоратли актриса Дилноза Кубаева Ўзбекистон аҳлини Мустақиллик байрами билан табриклади.
«Аристократлар» жамоаси аъзоси Обиджон Насриддинов ота-онасига Умра сафарига йўлланма совға қилганини маълум қилди. Унинг сўзларига кўра, отаси бир курткани 10 йил давомида кийган, бироқ фарзандларига ҳар мавсумда янги кийим олиб берган. Онаси эса оиласини боқиш учун бозорда писта сотган. Обиджон Насриддинов кўрган қийинчиликлари учун нолимаслигини, аксинча, шукр қилишини таъкидлаб ўтган. Актёр акаси билан Россияда ишлаётган пайтлари ота-онасини Ҳаж зиёратига жўнатишни ният қилгани ҳақида гапирди. У ота-онаси сентябрь ойида зиёратни амалга оширишини айтди.
Ҳозир қилмоқчи бўлган совғамни яқинда машинамни алмаштираётганда ёки Instagram’да бир миллион обуначим бўлганда қилмоқчи эдим. Яқинда отамнинг соғлиғида муаммо бўлиб шифохонага тушиб қолди, шунда тушуниб етдим, машина, уй, Instagram, яна қанақадир байрамлар ота-онамни тирноғига ҳам арзимас экан. Айтмоқчи бўлган гапим — ота-онангизга қанақа яхшилик қилмоқчи бўлсангиз ёки қанақадир гап айтмоқчи бўлсангиз, ҳозир айтинг, — дейди актёр.
Болливуднинг латофатли актрисаларидан бири Катрина Каиф саҳифасига янги суратини жойлади.
Хонанда Абдурашид Йўлдошев Ўзбекистон халқ артисти, маданият вазири Озодбек Назарбеков ва Музаффар Абдуазимов билан «Кўргони келдим» таронасини жонли ижро этганини мухлисларига кўрсатди.
Актриса Жамила Ғофурова Туркияда фарзандлари билан тушган суратини эълон қилди ва мухлисларига шу йилги ёз жуда мазмунли ўтганини, Истанбулда яшайдиган онаси, сингиллари, укалари билан дийдорлашганини айтди.
Таниқли дубляж устаси Афзал Рафиқов касалликка чалиниб, саккиз ой давомида даволангани, фильм ва сериаллар дубляжида иштирок этмагани ҳақида сўзлаб берди. Актёр хасталик унинг овозига ҳам зарар етказганини айтган.
Ҳаётимда мушкулотга дуч келдим, яъни касал бўлиб қолдим. Шу боис мана саккиз ойдан буён саҳнага ҳам чиқмаяпман, микрофон қаршисида ҳам ўтирмаяпман. Энди дубляжни янгидан ўрганаётган инсон каби Баҳодир Қосимов билан ишлай бошладик. Илгари ролларга овоз беролмайман, ҳозир кичкина ролларга овоз беряпман ва унинг қайта тикланиш йўлида иккаламиз бош қотиряпмиз, — дейди Афзал Рафиқов.
«Ойбек ва Нигора» дуэти хонандаси Нигора ҳамкасби, турмуш ўртоғи Ойбек билан тушган суратини эълон қилди ва мухлисларига меҳр-муҳаббат инсонни гўзаллаштириши ҳақида гапирди.
Паризода ансамбли билан биргаликда Тошкентдаги тўй хизматидан сўнг Самарқандга йўл олганини мухлисларига кўрсатди. Раққоса хизматга кечикмаслик учун поездда макияж қилиб, образи учун тайёрланган.
Актриса Луиза Расулова янги суратини обуначиларига намойиш қилди.
Шунингдек, раққоса бир тўйда раққосалик билан бирга бошловчилик қилгани акс этган видеони эълон қилди.
Хонанда Каниза ўзбек халқини Мустақиллик байрами билан табриклади ва самимий тилакларини билдириб ўтди.
TikTok, Instagram саҳифасида 79 миллионга яқин обуначига эга бўлган энг машҳур Хаби Леймга Ўзбекистондан атлас, олма, узум ва бошқа маҳсулотлар солинган қутидаги совға етиб борди. У совға учун миннатдорлик билдирган.
Маълумот учун, Лейм TikTok’ка видеоларни 2020 йилдан пандемия сабаб Туриндаги фабрикада станок операторлиги бўйича ишсиз қолгач ва молиявий қийинчиликларга дуч келганидан сўнг бошлаган. Блогер тезда машҳурликка эришиб, унинг мухлислари #KhabyToNumberOne хештеги ёрдамида Хабига платформада етакчиликни эгаллашида ёрдам берган.
Гулчеҳра Эшонқулова ёзнинг сўнгги кунини оиласи билан АҚШдаги сўлим масканлардан бирида ўтказгани акс этган видеони обуначиларига кўрсатди.
Хонанда Наргиз Зокирова актёр, режиссёр Рустам Саъдуллаев билан тушган суратини эълон қилди.
Абдулла Қурбонов ижтимоий тармоқларда тарқалган видеосига изоҳ берди. Унинг сўзларига кўра, хонанда ўша пайтда ростдан ҳам ухлаётган бўлган. Абдулла Қурбонов овқатланган одамнинг уйқуси келишини, видеони чиқарган инсонни танишини таъкидлаб ўтган.
Мевали дарахтга тош отилади деб доим айтаман. Мен ростдан ҳам ухлаётгандим. Менинг ўтириб ухлашга ҳаққим йўқми? Бу видеони чиқарганлар одам эмас. Овқат егандан кейин одамнинг уйқуси келади. Мен видеони чиқарган одам кимлигини биламан. Мен бу ишни шундай қолдирмайман. Видеони ким чиқарган бўлса, тайёр бўлиб турсин, — дейди хонанда.
Актриса Суғдиёна Азимова хотини ёки чиройли жазмани бор эркакни йўлдан уриш мумкинлигини айтди. Унинг сўзларига кўра, севган аёли бор эркакни йўлдан уриб бўлмайди. Актриса юқоридаги гапларни айтиб, баъзи қизлардан унинг севган инсонига «осилмаслик»ни сўради.
Болливуднинг миллионлаб мухлисларга эга актрисаларидан бири Кажол янги сурати билан кўриниш берди.
Нафақат моҳир сўз устаси, балки майор унвонига эга ҳарбий хизматчи бўлган Мирзабек Холмедовга Ички ишлар вазирлиги томонидан «Ашула ва рақс» ансамбли 30 йиллиги муносабати билан эсдалик нишони топширилди. Шунингдек, актёр Ўзбекистонга садоқат қилиш ҳар бир ўзбекнинг бурчи эканини таъкидлаб ўтган.
Маданият вазири Озодбек Назарбеков Хоразмда янги очилган Жалолиддин Мангуберди ёдгорлик мажмуасида тушган суратини эълон қилди ва унинг Ватан ҳимояси, эрк-озодлик учун курашиб яшашнинг ёрқин тимсоли эканини айтди.
Жаҳонгир Отажоновнинг мухлислари йўлда кетаётган вақтда машинада ўзиб кетиб, хонандадан қачон концерт қўйиши ҳақида сўради.
Актриса Зарина Низомиддинова фарзандлари билан Москвага учиб кетгани акс этган видеони эълон қилди.
Мавзуга доир:
- Instagram: Чойхонада «ухлаб қолган» Абдулла Қурбонов, машина ҳайдашни ўрганаётган Искандар Ҳамроқулов, Зарина Низомиддинованинг танаффусдан кейинги илк роли.
- Instagram: Оёғини жароҳатлаган Паризода, Улуғбек Раҳматуллаевдан янги қўшиқ, кунини боғчада ўтказган Лола.
- Instagram: Имроннинг Дурдонасиз ишланган навбатдаги клипи, Фарҳод учун рафиқасининг сюрпризи, қўшиқ айта бошлаган Зуҳра Солиева.
- Instagram: Татяна Каримованинг дабдабали туғилган куни, Cadillac Escalade харид қилган Одил Аҳмедов, Феруза Норматованинг ота-онасига сюрпризи.
Изоҳ (0)