Расмийлар италиялик қизнинг Мюнхендаги меҳмонхонада ҳайкал қулаши оқибатида ҳалок бўлганини тергов қилишда давом этмоқда. Бу ҳақда Euronews хабар берди.
Германия полициясининг маълум қилишича, асли Неаполлик бўлган етти ёшли қиз ота-онаси билан Германияга таътил учун келган.
У жума (26 август) куни кечқурун меҳмонхона ҳовлисидаги 200 килограммлик тош ҳайкал устига қулагандан сўнг нобуд бўлди.
Воқеа жойидаги одамлар, жумладан, қизнинг отаси ҳам унинг қичқириғини эшитиб, уни қутқариб олишга муваффақ бўлган, бироқ у Мюнхендаги касалхонада вафот этган.
Бироқ ҳайкал нима учун ағдарилгани ва қизни эзиб ташлагани номаълумлигича қолмоқда. Дастлабки текширувларга кўра, ҳайкал ерга лангар билан ўрнатилмаган.
Изоҳ (0)