Тайван ҳарбийлари Хитой армиясининг дрони Кинмен оролларига яқинлашгандан сўнг унга биринчи марта ўқ узди, деб хабар бермоқда CНА.
Хабарда айтилишича, Тайван президенти Сай Инвен миллий армияга Хитой армиясининг учувчисиз самолётига қарши ўз вақтида ва қатъий чоралар кўришни буюрган. Кинмен мудофаа қўмондонлигининг маълум қилишича, маҳаллий вақт билан соат 17:59 да учувчисиз учиш аппарати Эрдандаги тақиқланган сув ҳудудига кирган.
Мудофаа вазирлиги матбуот котиби Чжан Ронгшунга кўра, ҳарбийлар тартибларга мувофиқ дарҳол огоҳлантириш берган. Дрон жойидан силжимагани учун уни ортга қайтариш мақсадида ўқ-дорилардан фойдаланилган. Шундан сўнг дрон Сямен шаҳри томон учиб кетган.
Қайд этилишича, 30 август куни куни эрталаб Тайван қуролли кучлари оролга яқинлашиб келаётган Хитой халқ озодлик армиясининг 24 та самолёти ва 11 та кемасини аниқлаган. Саккизта самолёт Тайван бўғозининг «ўрта чизиғи»ни кесиб ўтган. Улар орасида иккита Су-30 қирувчи, иккита Ж-11, иккита Ж-16, битта ЖҲ-7 қирувчи-бомбардимончи ва битта сувости кемасига қарши Й-8 самолётлари бўлган.
Изоҳ (0)