Telegram асосчиси Павел Дуров Telegram-каналларининг бир йил давомида фойдаланилмаётган барча очиқ манзилларини ўчириб ташлаганини маълум қилди. Бу ҳақда «Gazeta.ru» хабар бермоқда.
Мессенжер асосчисининг сўзларига кўра, барча тахаллуслардаги бундай манзилларнинг тахминан 70 фоизи эронлик киберскваттерларга тегишли. Бу ҳақда у ўзининг Telegram-каналида айтиб ўтган.
Дуровнинг таъкидлашича, эронлик киберскваттерлар томонидан фойдаланилмаган номларни захирага қўйиш «ўлик фойдаланувчи номлари қабристонини» яратиб, Telegram фойдаланувчилари учун ўз аккаунтлари, гуруҳлари ва каналлари учун тахаллус танлашни қийинлаштирган.
Бироқ, мессенжер маъмурияти, август ойи бошида фаол бўлмаган тахаллусларни олиб ташлашни бошлаган.
Шунингдек, Дуров мессенжерни ишлаб чиқувчилар бекор қилинган манзилларнинг 99 фоизини босқичма-босқич жамоатчиликка қайтаришига ваъда берди.
Қисқа ва қимматли фойдаланувчи номларига келсак, уларни тарқатишнинг энг самарали ва адолатли усули бу аукцион орқали кўринади, бу ҳақда мен аввалги ҳам айтиб ўтгандим. Шундай қилиб, бундай ҳаволаларни сотиб олган фойдаланувчилар улардан ўз манфаати йўлида фойдаланишга ундайди», — дейди Дуров.Дуровнинг фикрича, фойдаланувчи номларини сотиб олиш уларнинг эгаларини оригинал контентга эга янада қизиқарли каналлар яратишга ундайди.
Бундан ташқари, Telegram асосчиси мессенжернинг янги функцияларини маълум қилди. Энди каналлар ва профилларга одатий ҳаволалар билан бир қаторда, фойдаланувчилар, масалан, т.ме/Дарё, Дарё.т.ме URL кўринишида ҳаволаларни жойлаштириши мумкин бўлади.
Изоҳ (0)