Украина Қуролли кучлари (ҚК) бўлинмалари мамлакат жанубида ҳужумга ўтишга уринди, аммо ҳужумлар қайтарилди, Украина ҚК эса «катта талафотлар» кўрди, дейилади Россия Мудофаа вазирлиги хабарида.
«Украина қўшинларининг Николаево-Кривой Рог ва бошқа йўналишлардаги ҳужумлари тор-мор қилиниши натижасида душман жуда катта йўқотишларга учради. Душманнинг ҳужумини қайтариш чоғида Россия қўшинлари томонидан ғарбий Украинадан операцияда қатнашиш учун ташланган Украина ҚК 128-алоҳида тоғ ҳужум бригадаси бўлинмалари тор-мор келтирилди», — дейилади хабарда.
Мудофаа вазирлиги қайд этишича, ушбу бригаданинг беш нафар ҳарбий хизматчиси қуролларини ташлаб, асирликка таслим бўлган.
Шунингдек, хабарга кўра, ўтган бир кеча-кундузда Россия ҳарбийлари Украинанинг 48 та танкини, 46 та пиёда қўшинлар жанговар машинасини, 37 та бошқа жанговар зирҳли машиналарни, саккизта йирик калибрли пулемётли пикапни йўқ қилган, 1,2 мингдан ортиқ украиналик ҳарбий хизматчилар ҳалок бўлган.
Эслатиб ўтамиз, 29 август куни Украина армияси анчадан бери кутилаётганидек, мамлакатнинг босиб олинган жанубий қисмига ҳужум бошлади. Россия Мудофаа вазирлиги Украинанинг ҳужуми муваффақиятсизликка учраганини маълум қилди. Кейинроқ CNN Украина армиясидаги манбасига таяниб, УҚК Херсон вилоятида тўртта қишлоқни озод этганини маълум қилди.
Изоҳ (0)