Ўзбекистонда академик лицейларга кириш тест натижаларини танлов устуворлиги бўйича аниқлаш тартиби эълон қилинди

Олий ва ўрта махсус таълим вазирлиги академик лицейларга кириш тест натижаларини танлов устуворлиги бўйича аниқлаш тартиби ҳақида маълумот берди.

Қайд этилишича, абитуриентнинг тўплаган бали устуворлик асосида у танлаган биринчи академик лицейнинг йўналиши бўйича ўқишга қабул қилишга етарли бўлса, унинг кириш тест синови натижалари ушбу лицей йўналишида эълон қилинади. Бунда абитуриентга танлаган иккинчи ва учинчи академик лицей йўналиши бўйича танловда иштирок этишга рухсат этилмайди.

У танлаган биринчи академик лицей йўналиши бўйича ўқишга қабул қилишга етарли бўлмай, у танлаган иккинчи лицей йўналиши бўйича ўқишга қабул қилишга етарли бўлса, унинг кириш тест синови натижалари ушбу иккинчи академик лицей йўналишида эълон қилинади. Бунда абитуриентга танлаган учинчи академик лицей йўналиши бўйича танловда иштирок этишга рухсат этилмайди.

Танланган биринчи ва иккинчи академик лицейнинг йўналиши бўйича ўқишга қабул қилишга етарли бўлмай, учинчи лицей йўналиши бўйича ўқишга қабул қилишга етарли бўлса, абитуриентнинг кириш тест синови натижалари фақат учинчи лицей йўналишида эълон қилинади.

У танлаган биринчи, иккинчи ва учинчи академик лицей йўналиши бўйича ўқишга қабул қилишга етарли бўлмаган тақдирда, унинг кириш тест синови натижалари биринчи танлаган лицей йўналишида эълон қилинади.