Норвегия Энергетика ва нефть вазири Терже Осланд, энергия инқирозига қарамай, мамлакати Европа Иттифоқидаги импортчилар учун табиий газ нархини пасайтирмаслигини айтди. Бу ҳақда «Коммерсантъ» хабар бермоқда.
Вазирнинг сўзларига кўра, Норвегия ҳукумати корхоналарга бозор нархларидан пастроқ шартномалар юкламайди. У, шунингдек, Европа Иттифоқи 20 йил аввал спот шартномалар фойдасига узоқ муддатли шартномалар амалиётидан воз кечганини эслатди.
18 август куни Норвегия газини импорт қилувчи Европа Иттифоқи компаниялари Норвегиядан «газни арзонлаштирилган нархда экспорт қилишга рози бўлишни» сўраган.
Норвегиянинг давлатга қарашли Equinor компанияси газ нархининг ошиши шароитида хом ашё экспортидан 2022 йилда тахминан 100 миллиард евро миқдорида фойда олишни режалаштирмоқда, 2021 йилда унинг фойдаси 30 миллиард еврони ташкил этган.
Аввалроқ Европа Иттифоқи мамлакатларида электр энергиясининг нархи рекорд даражада ошгани ҳақида хабар берилганди.
Изоҳ (0)