Муносабатларини кўз-кўз қилмагани учун ҳам тинч ва бахтли яшайдиган Энрике Иглесиас ва Анна Курникованинг муҳаббат сири нимада?

AdMe нашри кўп йиллар давомида шоу-бизнес оламидаги энг кучли ва ёпиқ жуфтликлардан бири ҳисобланган Иглесиас ва Курникова ўртасидаги муносабатлар тарихи ҳақида кўпроқ маълумот олишга қарор қилди.

Лотин америкалик машҳур қўшиқчи билан танишишидан олдин Анна Курникова аллақачон машҳур ва жуда муваффақиятли теннисчи эди. Мисол учун, 2000 йилда спортчи WTA рейтингида 8-ўринни эгаллайди. Анна жуфтлик баҳсларида дунёнинг 1-рақамли ўйинчисига айланади. Бироқ у яккалик баҳсларида ҳеч қачон чемпион бўлмаган. Машҳурлигининг шон-шуҳрат чўққисида унинг исми Google’даги энг кўп қидирилган номлардан бири бўлган

2000 йилларнинг бошларида Энрике ўз ватанида ҳам, Испанияда ҳам, хорижда ҳам жуда машҳур хонанда эди. У бир нечта альбом чиқаради, бир неча марта жаҳон бўйлаб концерт гастроллари уюштиради. Ва ўша пайтдаги энг машҳур синглларидан бири «Баиламос» — Уилл Смит ижросидаги «Ёввойи, ёввойи Ғарб» фильмининг саундтреки эди. Кинофильм муваффақиятли бўлмайди, лекин қўшиқ Қўшма Штатларда 1-рақамли хитга айланади.

2001 йилда Иглесиас ўзининг инглиз тилидаги иккинчи «Escape» альбомини чиқаради. Тўпламдан шу номдаги қўшиққа клип суратга олишга қарор қилинади. Режиссёр Дейв Меерс Анна Курниковани клипда суратга тушишга таклиф қилади.

«Escape» клипида Энрике ва Анна ўртасидаги бир нечта бўса олиш саҳналари мавжуд. Шунинг учун клип экранларга чиққандан сўнг, оммавий ахборот воситалари дарҳол юлдузларни севишганларга чиқаришади. Айтганча, суратга олиш пайтида қўшиқчи Аннани ўпишдан бош тортгани ҳақида миш-мишлар тарқалади.

Аммо Энрикенинг ўзи бу гапларни рад этади:

Улар Аннани ўпишни хоҳламаганимни ёзишибди, гўё у герпес билан касалланганмиш, аммо бундай эмас. Аннани ўпмаганимда аҳмоқ бўлардим. У ажойиб ва ​​жуда ёқимтой қиз.

Ушбу видеоклип чиққандан сўнг журналистлар доимий равишда юлдузларни бирга суратга олиб, жуфтликни қўлга туширишга ҳаракат қилишади. Аммо қўшиқчи ва теннисчи улар ўртасида севги борлигини тасдиқламайди, ҳеч қандай изоҳ бермайди ва биргаликда жамоатчиликка кўринишмайди.

Фақат 2002 йилда Энрике ва Анна МТВ Awards тақдирлаш маросимида пайдо муносабатларига ойдинлик киритади. Севишганлар сифатида қизил гиламда биринчи марта суратга тушганларида улар жилмайиб, қўл ушлашади.

Кўп вақт ўтмай улар Иглесиаснинг кўчмас мулки бўлган Майамида бирга яшай бошлайдилар. Шу тарзда улар яширин ҳаёт тарзини давом эттирадилар. Мазкур йиллар давомида Анна ва Энрике муносабатларини қонунийлаштирганми, тўй ўтказганми ёки йўқми, бу ҳақда расмий маълумот йўқ.

2011 йилда Анна «Аёллар саломатлиги» журналига берган интервьюсида шундай деган эди:

Никоҳ мен учун муҳим эмас. Мен бахтлиман – муҳими шу. Мен самимий бўлишга, бир-биримизга ишонишга ва бир-биримизни тўлиқ ҳурмат қилишга ишонаман.

Ўша йили Энрике ҳам интервьюсида шундай дейди:

Мен шахсий ҳаётим иложи борича махфий бўлишини хоҳлайман. Айниқса, ўзинг каби машҳур ва эътибор марказида бўлган одам билан яшасанг.

Кейинчалик Иглесиас ва Курникованинг ажралиши ҳақида миш-мишлар тарқалди, аммо бу маълумот тасдиқланмади. Аммо 17 йиллик муносабатлардан сўнг, қўшиқчи ҳамма нарсани ташлаб, Анна билан ажрашишни хоҳлаган даврлари ҳам бўлганини тан олади. Аммо севгилисини қайтариш ва можарони юмшатиш учун Энрике «Энаморадо Пор Примера Вез» қўшиғини ёзади.

Мен бу қўшиқни кечирим сўраш учун ёзганман. Ёзиш — бу менинг терапиям, дейди испаниялик мачо. Бу ҳаракат иш берди ва улар биргаликда бахтли яшашда давом этишди.

Энрике ва Анна биринчи марта 2017 йилнинг декабрида фарзандли бўлишди — эгизаклар Николай ва Люси дунёга келди. Қизиғи шундаки, спортчининг ҳомиладорлигини кўпчилик билмай қолган ва хонанда Будапештдаги концерти чоғида болалари туғилиши ҳақида маълум қилган. Мухлислар бу хабардан ҳайратда қолишади.

Фарзандли бўлгандан сўнг, эр-хотин ижтимоий тармоқларда ёқимли оилавий фотосуратларни баҳам кўришни бошладилар.

2020 йилнинг январида Анна 3-фарзанди — қизи Мерини дунёга келтирди.

Курникова ўзининг Instagram’ида эри ва болалари билан тушган фотосуратлар ва видеоларни бўлишишига қарамай, эр-хотин шахсий ҳаётларининг тафсилотларини журналистлар билан муҳокама қилишга шошилмаяпти.

Энрикенинг фикрича, бахтли оилавий муносабатлар сири оилангиз билан имкон қадар кўпроқ вақт ўтказишдир.

Ҳозир мен карьерамнинг ўз иш жадвалимни хоҳшимга қараб танлашим мумкин бўлган босқичидаман. Кетма-кет 2 ҳафтадан кўпроқ вақт давомида уйдан чиқмаслигим ҳам мумкин, дейди қўшиқчи.

У фарзандлари дадасининг қўшиқларини эшитганда қандай муносабатда бўлишлари билан ўртоқлашди:

Улар ҳар сафар қўшиқларимни эшитганларида овозимни танийдилар — бу жуда зўр. Аммо улар «Escape» клипини томоша қилишганда ҳеч нарсани тушунмаганга ўхшайди — «Ойим дадамнинг ёнида нима қиляпти? Бу қачон бўлган?» Ростини айтсам, уларнинг юзидаги ифодаларни кўриш жуда мароқли.

Курникованинг карьерасига келсак, Анна белидаги жиддий муаммолар туфайли 2003 йилда профессионал теннисдан кетган. Унгача вақти-вақти билан у кўргазмаларда ва жуфтлик баҳсларида ўйнаб турганди. Бир мунча вақт теннисчи телевидениеда ҳам ишлаган. Анна ҳозир 41 ёшда.

47 ёшли Энрике Иглесиас эса ҳали ҳам янги қўшиқларни тақдим этишдан чарчамайди, концертлар беради. Айни пайтда у Лотин Америкаси мусиқасининг энг кўп альбоми сотилган санъаткорларидан бири — альбомининг бутун дунё бўйлаб сотуви 70 миллион нусхадан ошади.

Айтганча, 2003 йилда Иглесиас ўнг ёноғидаги холни олиб ташлаш учун операция қилдирганини кўпчилик билмайди. Қўшиқчи шифокорларнинг вақт ўтиши билан хол саратон касаллигига айланиши мумкинлиги ҳақидаги ташхисидан сўнг шу қарорга келган.