«Қалпоқ»даги Мараймамат — актёр Раҳмонали Суропов «Дарё» интернет-нашрига эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Суҳбат давомида актёр Раҳмонали Суропов «Қалпоқ» кўрсатуви «запрет»га учраган вақтда мажбуран ўзини рак қилиб кўрсатгани, шунда ҳам ҳеч қандай натижа бўлмагани ҳақида сўзлаб берди.
«Қалпоқ» авваллари жуда ҳам кўп тақиққа учраган. «Хиноли қор» сериалига пародиямиз — «Қалпоқли қор»дан кейин биз анча кўтарилдик, жуда омадли бўлди, 10 та кўрсатув ўрнини босиб кетди.Маълумот учун, Раҳмонали Суропов 1969 йил, 1 январь куни Наманган вилояти, Чуст тумани, Ахча қишлоғида дунёга келган. Театр ва рассомчилик институтида таҳсил олган. «Қалпоқ» ҳажвий кўрсатуви асосчиси. Оилали. Уч фарзанднинг отаси.Кейин «Ёшлар» каналида кутилмаганда тўхтатиб қўйишди. Директори олдида кечқурун 12 гача ўтирардим, ўша пайтда орқаси узун компьютер эди, шу компьютерда директор ўйин ўйнаб ўтирарди. Мен ҳам ўша хонада ўтираверардим. Кетинг, «Қалпоқ»қа тепадан рухсат беришмаган, дерди. У ҳеч қанақа тепадан келган буйруқ эмасди, аниқ эди-да.
Томоғим ҳар доим қизариб юрарди. Аллергик, ҳозир ҳам бор, буқоғим ҳам бор экан. Кейин рак бўлдим деб, қоғоз тўғирлатиб келганман, астағфируллоҳ. «Рак бўлиб қолдим, ака, яна икки йил умрим қолибди. Шуни ўтказинг», деганман.
Алфияни чиқармай қўйишган. Алфия учун шунақа қилиб борганман. Унинг ўзи ҳам билади. Ўшанга ҳам кўнмаган. Кейин у бўшади, биз «Ўзбекистон» каналига ўтдик. «Қалпоқ» яна эфирга кетишни бошлади.
Шунақа ҳолатлар бўлган. Таниш-билишчилик ҳолатлари. Ҳамма ҳажвий кўрсатувлар кетарди, лекин «Қалпоқ»ни тўхтатиб қўйишган эди. «Қалпоқ» ўша вақтларда 6 ой мобайнида эфир юзини кўрмаган.
Мен ҳар куни директорнинг олдига борардим, кечқурун 12-1 гача кутиб ўтирардим. Ҳар куни аҳвол шу эди. Ўшанда ҳам раҳми келмаган. Кейин бошқа каналга ўтганмиз. Бизга Абдулла Ориповнинг қизи Юлдуз Орипова ёрдам берган. Илтимос қилганман, кириб бир оғиз айтган ва кўрсатув эфирга кетган. Барибир танишингиз бўлиши керак экан-да.
Ҳозир ҳам шундайдир, билмадим. Лекин «Қалпоқ» мунтазам эфирга кетиб турибди. Ҳозир интернет чиқиб кетди, одамлар телевидениега ҳам унчалик эътибор бермаяпти. Лекин телевидение барибир телевидение-да. Қишлоқларда интернет йўқлар қанча, кўришади.
Алфия татар кампирни ўйнарди, тепада бир татар миллатига мансуб каттакон бор экан. «Нега бизнинг миллатимизнинг устидан кулади, бизда кампирлар унақа пайпоқ киймайди-ю?», деган эмиш. Алфиясиз бўлмайди, усиз чиройли чиқмайди деб борганман, лекин ҳисобга олишмаган.
Раҳмонали Суропов, актёр, «Қалпоқ» ҳажвий кўрсатуви асосчиси
Мавзуга доир:
- «Актёрларнинг оғзидан очликнинг ҳиди келиб туради». Актёр Раҳмонали Суропов вилоят театридаги актёр ва актрисаларнинг қийин шароити ҳақида (видео)
- «Қалпоқ»даги Мараймамат — Раҳмонали Суропов тез ёрдамнинг нотўғри ташхиси сабаб инфаркт бўлгани, шундан сўнг қанд касалини орттириб олганини маълум қилди (видео)
Изоҳ (0)