Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
«Миллион» жамоасиниг аъзоси Даврон Кабулов саҳифасига қизлари билан тушган суратини жойлади ва мухлисларига оилани мустаҳкамлаш кераклигини, инсон оила аъзолари билан билан кўпроқ вақт ўтказиши ҳақида фикрларини билдирди.
Хонанда Муниса Ризаева мухлисларига тирбандликда қолиб кетганини, бундай тирбандлик фақат Москва ва Лондон кўчаларида бўлади деб ўйлаганини, энди эса Тошкентда ҳам учраётганини таъкидлади.
Зиёда Туркияда турмуш ўртоғи билан тушган янги суратини обуначиларига кўрсатди.
Бундан ташқари, хонанда Анталиядаги Қора денгиз устида ҳаво шарида парвоз этаётганини обуначиларига намойиш қилди.
Раққоса Ирода Исмоилова янги сурати билан кўриниш берди ва ҳеч қачон идеал бўлмасликни хоҳлаганини айтди.
Актриса Зарина Низомиддинова модалар намойишида Шаҳло Зоирова ва Асал Шодиева билан учрашиб қолганини мухлисларига кўрсатди.
Шаҳло Зоирова ҳам шу модалар кўргазмасида Асал Шодиева ва Зарина Низомиддинова билан тушган суратини обуначиларига намойиш қилди.
Луиза Расулованинг мухлислари унинг тўй хизматларининг бирида кийган либоси йиртиқ экани ҳақида гапирган. Актрисанинг бу ҳолатдан жаҳли чиқиб, либоси йиртиқ эмаслигини кўрсатган, мухлисларига ўзининг ҳаёти билан машғул бўлиши кераклигини айтган.
Хонанда Воҳиджон Исоқов ота-онаси билан тушган суратини эълон қилди.
Телебошловчи Зара Ширинова турмушга чиқаётганини маълум қилди ва яхши тилаклар билдирган обуначиларига миннатдорлик билдирди.
Марҳум қизиқчи Ҳожибой Тожибоевнинг қизи Интизор Тожибоева саҳифасига болалигида отаси билан тушган архив суратини жойлади. Актриса отаси билан боғлиқ хотираларини мухлислари билан бўлишган. Қизиқчи ҳаёт бўлганида 67 ёшни қаршилаган бўлар эди.
Нилуфар Усмонова Марғилондаги тўй хизматида бўлганини обуначиларига кўрсатди.
Севара Назархон мухлисалари қуршовида «Улуғимсан, ватаним» номли таронасини ижро этди.
Бундан ташқари, у Тошкентга келганидан кейин ўзи автомобиль бошқараётгани, йўллардаги тирбандлик ҳақида гапирди.
Диана Ягофарова тез кунларда унинг иштирокидаги янги лойиҳа экран юзини кўришини маълум қилди.
Дилноза Кубаева кадр ортида юз берган қизиқарли ҳолатни мухлислари билан бўлишди. Унга кўра актриса образга кириб, маҳзун шеър ўқий бошлаганида орқадан кимнингдир хуррак отаётгани эшитилиб қолади ва Дилноза Кубаева кулиб юборади.
Туркиянинг машҳур актёрларидан бири «Мендирман Жалолиддин» сериалининг бош қаҳрамони Эмре Кивилжим Малайзия қироличаси Тунку Азизаҳ билан учрашганини, унинг ушбу сериал давомини кутаётганини айтган ва суҳбат учун унга миннатдорлик билдирган.
Раққоса Паризода ота-онасига Умра сафарига йўлланма совға қилганини маълум қилди. Бундан ташқари, у онасининг туғилган кунини қандай нишонлаганини мухлисларига кўрсатди.
Шаҳзода саҳифасига ўғли Халиднинг янги суратини жойлади ва фарзанди унинг бахти экани ҳақида гапирди.
Мавзуга доир:
- Instagram: Зарина Низомиддинова турмуш ўртоғини кўрсатди, Азиза Низомова она бўлди, «Аристократ»чи Сарвар уйланди
- Instagram: Рафиқасига сюрприз тайёрлаган Илҳом Фармонов, ижодга қайтган Шаҳло Аҳмедова, очиқ кийимини танқид қилганларга Лоланинг жавоби
- Instagram: Янги машинали бўлган Жамбул Муҳаммедов, туғилган кунида онасига совға берган Жаҳонгир Хўжаев, қоидабузар Дурдона Қурбонова.
- Instagram: Эридан пул олмайдиган Асал Абдуллаева, Шаҳноза Отабоевага аталган сюрприз, Паризоданинг телефони топилдими?
Изоҳ (0)