Бош прокуратура ҳузуридаги департаментнинг Вобкент туман бўлими томонидан ИИБ ходимлари билан ҳамкорликда тезкор тадбир ўтказилган. Унда, фуқаролар А.Б. ва IИ.И.''Беклар'' МФЙ ҳудудидаги «З.Ч.» хусусий корхонасига қарашли ер майдонининг 15 сотихини фуқаро Д.га танишлари ёрдамида уй-жой қуриш учун унинг номига расмийлаштириб олиб беришни 16 000 АҚШ долларига келишиб, шундан 10 000 АҚШ долларини олган вақтида ашёвий далиллар билан ушланган.
Шу каби, Янги Наманган туман бўлими томонидан ўтказилган тезкор тадбирда, фуқаролар М.А. ва Р.Ш.''Янги Замин'' МФЙ ҳудудидаги Наманган шаҳар ҳокимлиги захирасида бўлган 5 сотих ер майдонини 15 000 АҚШ доллари эвазига фуқаро А.га гўёки юқори лавозимда ишловчи танишлари орқали унинг номига расмийлаштириб олиб беришни ваъда қилишиб, эвазига 3 000 АҚШ доллари ва 22 млн сўмни олган вақтида ашёвий далиллар билан ушланган.
Департаментнинг Мирзаобод туман бўлими томонидан ДХХ ходимлари билан ҳамкорликда ўтказилган тезкор тадбирда эса, фуқаро О.А. (муқаддам судланган) бошқа бир фуқаро Р.нинг ишончига кириб, унга туман ҳудудидан ўтувчи А373 автомагистрал йўл бўйидан савдо дўконини қуриш учун гўёки юқори лавозимда ишловчи танишлари ёрдамида 10 сотих ер майдони ажратиб беришни ваъда қилиб, эвазига 50 млн сўмни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)