Андижон, Наманган вилояти тарихи ва маданияти давлат музейларда жами 54 миллион 700 минг сўм, Термиз давлат музей-қўриқхонасида 3 миллиард 467 миллион сўмга яқин зарар аниқланди, деб хабар бермоқда Маданий мерос агентлиги.
Маълум қилинишича, бош вазир ўринбосари Азиз Абдуҳакимов топшириғига мувофиқ Вазирлар Маҳкамасининг Маданий меросни ҳимоя қилиш инспекцияси бошчилигида ишчи гуруҳ 2022 йилнинг июнь—июль ойлари Андижон, Наманган вилояти тарихи ва маданияти давлат музейларида ҳамда Термиз давлат музей қўриқхонасида сақланаётган ноёб ашёлари хатловдан ўтказди ҳамда уларнинг сақланиши ва ҳавфсизлик ҳолати ўрганди.
Ўрганишда ишчи гуруҳ томонидан Андижон вилояти тарихи ва маданияти давлат музейида жами 4 дона, Наманган вилояти тарихи ва маданияти давлат музейида жами 9 дона ашёлар музейнинг Кирим ва Инвентар китоблари ҳамда илмий паспортларининг тавсифномаларига, ўлчами, ишланиш услуби ва яратилган даври бўйича мос келмаслиги аниқланган.
Шунингдек, Термиз давлат музей-қўриқхонасида ҳам ўрганишлар олиб борилди ва жами 24 дона ашёлар музейнинг кирим ва инвентар китоблари ҳамда илмий паспортларининг тавсифномаларига, ўлчами, ишланиш услуби ва яратилган даври бўйича мос келмаслиги, 58 номдаги ашёлар музей фондида йўқлиги маълум бўлди.
Маданий мерос агентлигининг 19 августдаги Санъатшунослик эксперти хулосаларига кўра Андижон вилояти тарихи ва маданияти давлат музейида аниқланган зарар қиймати 31 миллион сўмни, Наманган вилояти тарихи ва маданияти давлат музейида 23 миллион 700 минг сўмни, Термиз давлат музей қўриқхонасида 3 миллиард 466 миллион 800 минг сўмни ташкил қилади.
Изоҳ (0)