Косон туманида ўқишга киритиб қўйишни ваъда қилган фирибгар ушланди.
Бош прокуратура ҳузуридаги департаментнинг Косон туман бўлими томонидан ИИБ ходимлари билан ҳамкорликда тезкор тадбир ўтказилган.
Унда, фуқаро Л.Р. фуқаро М.Х.нинг ишончига кириб, уни 3 000 АҚШ доллари эвазига қўшни Тожикистон олий ўқув юртининг иқтисод йўналишига ўқишга киритиб қўйиб, кейинчалик ўқишини Ўзбекистондаги олий таълим муассасаларидан бирига кўчириб беришни ваъда қилиб, олдиндан 2 000 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)