Қашқадарё вилоятининг Қамаши туманида 2 кишининг ўлими билан якунланган ЙТҲ юз берди.
Вилоят ИИБ матбуот хизматининг маълум қилишича, воқеа 23 август куни соат тахминан 20:30 ларда М-39 Тошкент—Термиз автомобиль йўлининг Қамаши тумани «Юксалиш» МФЙдан ўтган қисмида юз берган.
Қамаши туманида яшовчи С.Х. Damas’да ҳаракатланиб келаётган вақтда йўлнинг ўнг томонида тўхтаб турган Б.А. бошқарувидаги Damas орқа қисмига бориб урилган. Damas йўлнинг ўнг томон чекка қисмига ағдарилиб кетиб, йўлнинг четки қисмида пиёда ҳарактланиб кетаётган фуқаро Э.О.ни уриб юборган. Орқадан келиб урилган Damas’нинг ўзи қарама-қарши йўналишга чиқиб кетиб, Spark билан тўқнашган.
Оқибатда пиёда Э.О. ва Damas ҳайдовчиси С.Х. оғир тан жароҳати олиб вафот этган.
Ҳолат юзасидан Қамаши туман ИИБ ҳузуридаги ТБ томонидан Жиноят кодексининг 266-моддаси 3-қисми «а» банди билан жиноят иши қўзғатилиб, тергов ҳаракатлари олиб борилмоқда.
Изоҳ (0)