Россиянинг Москва шаҳрида Ўзбекистон фуқароси беш ёшли қизчани болалар майдончасидан ўғирлаб кетмоқчи бўлгани айтилмоқда. Бу ҳақда «Gazeta.ru» хабар берди.
Маълум қилинишича, воқеа 19 август куни пойтахтдаги Голяново туманида содир бўлган. Номаълум шахс болага яқинлашиб, унинг қўлидан ушлаб, олиб кетишга уринган. Бироқ қизнинг онаси воқеадан хабар топиб, қизини бегона шахсдан олиб қўйган.
«Полиция чақиришларини, боламни мендан ўғирлаб кетишаётганини айтиб, бақира бошладим. Бир дақиқадан сўнг қаердандир қизнинг қариндошлари етиб келиб, мени ўраб олишди. Олти-етти киши эди улар», — деди қизнинг онаси.
Аёлнинг сўзларига кўра, номаълум шахслар қиз уларники эканини айтиб, аёлдан боладан воз кечишни талаб қилган. Воқеа жойига етиб келган полициячилар эса можарони ҳал қилишга муваффақ бўлган.
Изоҳ (0)