Инсон учун қадрли бўлган нарсалар ўғирланса ёки йўқотиб қўйилса, унинг кайфиятига ёки руҳиятига ҳам таъсир қилиши мумкин, бироқ бундай ҳолатларни олдиндан билиб бўлмайди. Шунинг учун ҳам шахсий буюм ёки қадрли нарсаларни йўқотмаслик учун ҳар доим ҳушёр бўлиш лозим. Ўзбек санъаткорлари орасида худди шундай ҳолатга тушган, яъни ўғирлик қурбонлари бўлганлар ҳам бор.
Паризода
Маҳоратли раққоса Паризода Самарқандда телефонини йўқотиб қўйган. Маълум бўлишича, унинг қўл телефонини аёллар хонасидан ўғирлаб кетишган. Раққоса унинг ичида 1 терабайт хотираси бўлганини таъкидлаган. Паризода телефони қаттиқ ҳимоялангани учун уни ҳеч ким ишлата олмаслигини ҳам айтган.
«Кайфиятим йўқ, чунки телефонимни ўғирлаб кетишди. Тўғрироғи, йўқотиб қўйдим. Кимдир мени топа олмаётган бўлса, Instagram саҳифамда администраторимнинг рақами ёзилган. Мени ҳозирча шу рақамдан топасиз. Камераларни очиб ташладик, лекин уни топа олмадик. Энг ачинарлиси, ўғри — аёл киши. Аёллар хонасида телефоним йўқолиб қолди. Кимдир iPhone’ни топишнинг қандайдир сирларини билса, ёрдам берса, хурсанд бўлардим. Бир нарсани биламан, телефонни олган одам уни ишлата олмайди. У жуда қаттиқ ҳимояланган. Унинг ичида 1 терабайт хотира бор эди», — дейди раққоса.
Бироз вақт ўтиб, раққоса телефонини қайтарган одамга катта мукофот пули беришини маълум қилган, бироқ шунга қарамай, унинг телефони топилмаган. У онасининг телефонини ишлатиб турганидан сўнг, яна янги iPhone сотиб олганини маълум қилди.
Юлдуз Усмонова
Ўзбекистон халқ артисти Юлдуз Усмонова Instagram’даги саҳифасида мушугини йўқотиб қўйганини маълум қилган. Хонанда уни олиб кетганлардан қайтаришни сўраган.
«Нюша исмли мушугим йўқолиб қолди, шуни излаяпман. Мушугимнинг мухлислари кўп, мен у учун хавотир оляпман. Мушугим стерилланган, яқинда мушукчаларни дунёга келтирган, ким олган бўлса, қайтаришини сўрайман. Унинг ўз рациони бор, махсус овқатлар ейди, бошқа нарсаларни емайди», — деган эди хонанда.
Жаҳонгир Отажонов
Жаҳонгир Отажонов Instagram’даги саҳифасида Истанбул шаҳридаги офиси олдидан унинг шахсий автомобили ўғирлаб кетилганини маълум қилган.
«Кулгим ҳам келади, Истанбулда менинг машинамни ўғирлаб кетишибди. Одам ҳайрон бўлади. Ҳаёт қизиқ экан, кимдир машинангни ўғирлаб кетса, кимдир уйингни ‘ухлатиб’ кетади, одам ўрганиб ҳам қолар экан бунақа ҳаётга», — дейди хонанда.
Шаҳзода Матчонова
Шаҳзода Матчонова шу йилнинг апрель ойида Европада оиласи билан ҳордиқ чиқариб қайтди. Ушбу саёҳат давомида актриса ўғирлик қурбони бўлди. Шаҳзода бегона мамлакатда телефонини йўқотиб қўйган.
«Фарзандимнинг қандай дунёга келгани, биринчи йиғиси, биринчи суратлари, биринчи марта дада дегани ҳамда биринчи марта турли меваларни татиб кўргандаги реакцияси акс этган расм ва видеоларнинг ҳаммаси телефонимда эди, оналар менинг ҳолатимни яхши тушунади», — деган эди актриса.
Наргиза Салмонова
Наргиза Салмонова унга Туркиядан жўнатилган каргодаги нарсаларни, яъни атирларини ўғирлашганини айтган. Актриса бу ҳақда Instagram’даги саҳифасида маълум қилган.
«Менга Туркиядан карго келди, лекин хизматлари умуман ёқмади. Адашмасам, туҳмат бўлиб қолмасин, нарсаларим очилган. Менга юборилаётганда бунақа аҳволда эмас эди, каргойимдаги 3 та атир йўқолибди», — деган эди актриса.
Шаҳзода Муҳаммедова
Шаҳзода Муҳаммедова Италиянинг Милан шаҳрига шахсий кўргазмасини ўтказиш учун борганида телефонини ўғирлатган. Актрисанинг маълум қилишича, унинг телефонини шаҳардаги тиланчилардан бири ўғирлаган ва у овқатланган ресторанда камералар бўлмагани сабабли полиция ходимлари ўғриларни топа олмаган.
«Бугун нонуштада Милан марказий кўчасидаги рестораннинг ташқи кўча қисмида овқатланиб ўтирган эдик, столим тепасига бир гадойга ўхшаш ёш қиз келди ва стол устига газетага ўхшаш бир варақли меню қўйди ва қўли билан бир нималарни кўрсатди, йўқ, йўқ керак эмас, дедим ва у қайтиб кетди. Кетганидан кейин қарасам, телефоним йўқ. Қўлидаги қоғозни телефонимнинг устига қўйган эди. Чап қўли билан телефонимни олиб, ўнг қўли билан эса газетани кўрсатган экан.
Хуллас, роса йиғладим ва жуда хам ҳаётдан хафа бўлиб кетдим. Ресторан тепасида камера йўқ экан. Полициялар гадой, ўғриларни топа олмаслигини тушуниб етдим», — деб ёзиб қолдирган Instagram’даги саҳифасида Шаҳзода Муҳаммедова.
«Афандининг қизлари» кулги жамоаси аъзоси Муборак Абдуллаева
«Афандининг қизлари» кулги жамоаси аъзоси Муборак Абдуллаева Туркияда телефони ва пулларини йўқотиб қўйган. Маълум бўлишича, улар 10 қисмли ситкомни суратга олиш учун Туркияга борган ва саёҳат давомида савдо мажмуасига келган. Актриса ўзи учун нарсалар сотиб олмоқчи бўлган. Айнан шу савдо мажмуасида Муборак Абдуллаева ўз телефонини ўғирлатиб қўйган. Буни билгандан кейин у полицияга мурожаат қилган. Шундан сўнг улар полиция идорасига борган.
«Биз полицияга келдик. Савдо мажмуасидалигимизда Муборакнинг телефонини ўғирлаб кетишибди. Ҳазиллашишяпти деб ўйлашингиз мумкин, аммо ҳазил эмас. Хуллас, айтиб беришимиздан мақсад, Туркияга келганингизда жуда эҳтиёт бўлинг. Бу ерда ўғрилар жуда кўп экан. Лекин виждони бор ўғри экан, йўл ҳақи ташлаб кетибди. Кулишни ҳам, йиғлашни ҳам билмадик», — деган эди Нигора Абдуллахонова Муборак Абдуллаеванинг Instagram саҳифасида.
Мадина Мумтоз
Актриса ва хонанда Мадина Мумтоз ҳам 2016 йилда бошқа айрим ҳамкасблари сингари ўғирлик қурбони бўлган. Ўғрилар унинг машинасининг ойнасини синдириб, ичидаги буюмларини ўғирлашга уринган. Бу ҳақда Мадина Мумтоз Instagram’даги саҳифасида маълум қилган эди.
«Мана бизнинг хайрли кун. Яратган ўғриларни тўғри йўлга бошласин. Келган бало шунга урсин. Машиналарни кўчада қолдирманг. Кунимиз хайрли, барокатли ва яхши кайфиятга бой бўлсин», — деб, Мадина Мумтоз автомобилнинг синиқ ойнаси суратини эълон қилган эди.
Каниза
Хонанда Каниза ҳам 2016 йилда Тошкентдаги ресторанлардан бири олдига ўзининг шахсий Porsche Cayenne машинасини қўйиб, дугоналари билан овқатланиб, соат 21:00 ларда қайтиб чиққанида, машинасининг орқа тарафидан ойнаси синдирилганини ва машинасидаги буюмлар ўғирланганини маълум қилган.
«Машинам ичида 2,5-3 млн сўмлик Cавалли сумкам, 10 минг долларлик Верту телефоним, 400 долларлик Флеур Нарcотиқуэ атири, булар ҳаммаси менга совға қилинганди, ва яна қимматбаҳо ҳамён ҳамда 300 минг сўмимни ўғирлаб кетишди», — деб маълумот берган эди хонанда.
Каниза, шунингдек, мазкур масала юзасидан милицияга мурожаат қилмаслигини маълум қилган эди: «Йўқ, чунки бундан аввал хам бошқа машиналаримдан 4-5 маротаба нарсаларимни шундай ўғирлатиб қўйганимда уларга мурожаат қилганман. Аммо улар ёрдам бера олишмаганди, шу сабаб ҳам яна беҳуда ёзув-чизувлар билан вақтимни кетказмай дедим», — деган Каниза.
Мавзуга доир:
- Азиза Ниёзметова, Ҳошим Арслонов, Жамшид Зокиров ва саратондан вафот этган бошқа ўзбекистонлик санъаткорлар (фото).
- Бону, Афсона, Диёр Маҳкамов ва бошқа санъатни тарк этган машҳурлар бугун нима иш билан банд? (видео).
- Украин, рус, қозоқ ва эроний — ўзга миллат вакили бўлса-да, соф ўзбек тилида ижод қилаётган машҳурлар (фото).
- Лола, Муниса Ризаева ҳамда мукаммал ташқи кўринишга эришиш учун пластик жарроҳлик амалиётидан фойдаланган бошқа машҳурлар (фото).
Изоҳ (0)