Машҳур санъаткор ва бошловчиларнинг хизмат ҳақлари ҳамиша омма учун қизиқ. Қуйида Ўзбекистондаги энг рейтинги юқори бошловчиларнинг тўйлардаги гонорари билан боғлиқ маълумотлар келтирилади.
Дилноза Кубаева
Актриса 2013 йилдан буён биринчиликни қўлдан бой бераётгани йўқ. Унинг хизмат ҳаққи 1000 АҚШ долларини ташкил қилади. Тан олиш керак, Дилноза Кубаева иштирок этган давра позитив кайфиятга бой бўлади. Актриса эндиликда нафақат бошловчи, балки хонанда сифатида ҳам тўйларда иштирок этишини маълум қилди.
— Тирикчиликнинг айби йўқ, агар чин дилдан истаб тўйларида қўшиқ айтишимни сўрашса, нега рад этишим керак, — дейди актриса Дилноза Кубаева.
Даврон Кабулов
«Миллион» жамоасининг раҳбари Даврон Кабуловнинг гонорар суммаси 600 АҚШ долларини ташкил қилади. Кўпчилик «Миллион» жамоасини тўйларга таклиф қилади. Аммо Даврон Кабулов жамоанинг тўйларда иштирок этишини унчалик ёқтирмайди.
Дилдора Рустамова
Профессионал сухандон Дилдора Рустамова ҳам энг қиммат бошловчилардан бири ҳисобланади. У тўйдаги гонорарини 500 АҚШ долларига баҳолайди. Сухандон тўйдаги ҳамкасби ҳам профессионал бўлишини истайди.
Фарҳод Алимов
Тўйларда даврани рус тилида олиб борадиган бошловчи Фарҳод Алимовнинг гонорари эса 600 АҚШ долларидан кам эмас. Бу бошловчи учун тўйдаги ҳамроҳининг даражаси у қадар муҳим эмас. Аммо у рус тилида, ҳамкасби эса соф ўзбек тилида гапиришини истайди.
Нилуфар Сотиболдиева
Яна бир машҳур ва қиммат бошловчилардан бири бу Нилуфар Сотиболдиева ҳисобланади. Кейинги пайтларда ижоди асосан тўй хизматлари билан боғлиқ бўлиб қолган ижодкор биргина тўйдаги иштирокини 600 АҚШ долларига баҳолайди. У ёлғиз ўзи ҳам тўйда бошловчилик қилиши мумкин. У учун эркак ҳамкасбининг бирга давра олиб бориши у қадар муҳим эмас.
Райҳон Уласенова
Маҳоратли актриса Райҳон Уласенова бошловчилик борасида ҳам катта тажрибага эга. Кейинги пайтларда у телелойиҳалардан бироз узоқлашган бўлса-да, тўйлардаги фаолиятини чеклаётгани йўқ. Унинг тўйлардаги иштироки 500 АҚШ долларига баҳоланади.
Жамшид Умурзоқов
Профессионал сухандон Жамшид Умурзоқовнинг тўйдаги гонорар суммаси ҳам 500 АҚШ долларини ташкил этади. У кейинги пайтларда таниқли аёл ҳамкасблари билан эмас, ўзи касб сирларини ўргатган шогирдлари билан тўйларда бошловчилик қилмоқда.
Рихситилла Абдуллаев
Театр ва кино актёри Рихситилла Абдуллаев Тошкент тўйларидаги энг талабгир бошловчилардан бири ҳисобланади. Унинг тўйдаги иштироки 400 АҚШ долларига баҳоланади. Дарвоқе, у тўйларда бошловчилик қилишдан ташқари, ташкилий ишлар билан ҳам шуғулланади. Яъни у санъаткорларнинг тўйга келишини таъминлаб берувчи ташкилот фаолиятини ҳам йўлга қўйган.
Нигора Каримбоева
Нигора Каримбоева нафақат профессионал актриса ва бошловчи ҳисобланади, балки тўйларда бошловчилик қилиши бўйича ҳам катта тажрибага эга. Унинг тўйлардаги хизмат ҳаққи 400 АҚШ долларини ташкил этади.
Зара Ширинова
Телебошловчи Зара Ширинова ҳам тўйларда фаол. У 300 АҚШ доллари эвазига тўйда бошловчилик қилиши мумкин. Зара кўпроқ Фарҳод Алимов ва Даврон Кабуловга ҳамроҳлик қилади.
Мавзуга доир:
- 400 дан 2500 АҚШ долларигача: Ўзбекистоннинг энг машҳур хонандалари пойтахт тўйларидаги «бирров»и қанча? (фото)
- Юлдуз, Озода ва бошқа машҳур хонандаларнинг Тошкентдаги «бирров»лари нархи қанча?
- Муниса Ризаева, Нилуфар Усмонова, Имрон ва бошқа хонандалар бир кунда нечта тўй хизматига боради?
- Жаноб Расул, Осман Наврўзов ва Жалолиддин Аҳмадалиев. Интернет юлдузларининг «бирров»и қанча?
Изоҳ (0)