Мексиканинг Герреро штатида La Realidad нашри директори ва журналист Фреди Роман Чилпансинго шаҳридаги уйи олдида отиб кетилди. Бу ҳақда журналист Хакоб Моралес Twitter’даги саҳифасида маълум қилди, деб ёзмоқда «РБК».
«Бугун журналист Фреди Роман марказий қабристонга жуда яқин жойлашган Чилпансингода отиб кетилди. У La Realidad газетаси директори ва маҳаллий босма нашрларда шарҳловчи эди», — деб ёзади Моралес.
Қайд этилишича, журналист машинага ўтириши билан номаълум шахс унга яқинлашиб, ҳайдовчи ойнасига қарата ўқ узган.
Романнинг ўлдирилиши сабаблари номаълум. Воқеа юзасидан штат бош прокуратураси тергов бошлаган.
Журналистларга қарши жиноятларни кузатувчи ташкилот Articulo 19 маълумотларига кўра, 2022 йилда Мексикада 15 нафар журналист ўлдириб кетилган. Ушбу қотилликларнинг камида тўққизтаси уларнинг касбий фаолияти билан боғлиқ.
Изоҳ (0)