«ПСЖ» Франция чемпионатининг 3-турида «Лилл» устидан 7:1 ҳисобида ғалаба қозонди.
Килиан Мбаппе учрашувнинг 8-сониясидаёқ ҳисобни очди. Мессининг узатмасидан кейин Килиан тўпни рақиб посбонининг устидан ошириб, дарвозага жойлаб қўйди.
Ушбу гол Лига 1 тарихидаги энг тезкор голга айланди. Қайд этиш керак, мазкур статистика 2006/07 йилги мавсумдан буён ҳисоблаб келинади.
Килиан ўйин сўнгига қадар яна 2 та гол урди. Франциялик ҳужумчи 2022 йилда тўртинчи бор ҳет-трик қайд этди. Аввалроқ «Ванн» (3 январь), «Клермон» (9 апрель) ва «Мец»га (21 май) қарши ўйинларда Мбаппе уч бор рақиб дарвозасини ишғол қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)