«Лукойл» «Спартак» футбол клубини сотиб олди. Леонид Федун 18 йиллик фаолиятидан сўнг Москва клуби президентлигидан кетди

Москванинг «Спартак» клуби «Лукойл» бошқарувига ўтди.

Нефть компанияси клубнинг 100% акцияси ва «Откритиэ Банк Арена» стадионини сотиб олганини маълум қилди.

Компания 20 йил давомида клубнинг бош ҳомийси бўлиб келганди. Эндиликда ҳам «Лукойл» клуб инфраструктурасини ривожлантиришда давом этади.

«Спартак» президенти Леонид Федун ўз лавозимини тарк этди. Бу ҳақида клуб матбуот хизмати маълум қилди.

«Компания Леонид Федуннинг хизматларини қадрлайди. ‘Лукойл’ асрлар давомида жамоанинг таниқли асосчилари, мураббийлари, спортчилар ва миллионлаб мухлислар армияси томонидан шакллантирилган анъаналарни сақлаб, уларни давом эттиришга интилади», — дейилади компания баёнотида.

Хабарга кўра, Федуннинг ўрнини РПЛ собиқ президенти Ашот Хачатурян эгаллайди.

Федун 2004 йилдан буён клуб президенти лавозимида фаолият олиб борарди. Унинг қўл остида Москва жамоаси бир марта Россия чемпионатида ғалаба қозонган, шунингдек, Россия Кубоги ва Суперкубогига эга чиққан.

Эслатиб ўтамиз, Федун июнь ойида 26 йиллик фаолиятдан кейин «Лукойл» вице-президентлигидан кетганди.