Президент таълим муассасалари агентлиги тизимида янги ташкил этилган ихтисослаштирилган мактабларга кириш имтиҳонлари натижалари эълон қилинди. Бу ҳақда агентлик ахборот хизмати хабар берди.
Таъкидланишича, 3, 4, 5, 6, 7 ва 8 июль кунлари ҳамда Қорақалпоғистонда 25, 26, 27, 28, 29, 30 июль ва 7 август куни ўтказилган имтиҳон натижалари эълон қилинди. Натижаларни қуйидагича аниқлаш мумкин:
- Талабгорнинг ariza.piima.uz сайтидаги шахсий кабинетига ИД рақамини киритиш орқали;
- @piima_natijabot орқали.
Хабарга кўра, Қорақалпоғистондаги имтиҳонлар санаси ўзгарган ва бу тест синовлари жавоблари эълон қилиниши ортга сурилишига сабаб бўлган. Охирги имтиҳон 7 август санасида бўлиб ўтган ва Президент таълим муассасалари агентлиги тизимидаги мактабларга 2022—2023-ўқув йили учун кириш имтиҳонлари айнан 7 август куни якунига етгани ҳақида расмий саҳифаларда хабар берилган.
Изоҳ (0)