Мукаммал оладйилар: Оиланинг барча аъзоларига ёқадиган нонуштани тайёрлашда нималарга эътибор бериш керак?
Эрта тонгдан оладйи тайёрлаш учун ўзингизда куч топа олмаяпсизми? Marie Claire нашрининг ушбу услубидан фойдаланиб, мазали нонуштани бир зумда тайёрлайсиз.Баъзан оладйи хамирини тайёрлашнинг ўзи ҳам қийин ишдек туюлади, айниқса эрталаб. Агар сиз дам олиш куни эрта тонгда хамир қоришга эринаётган бўлсангиз, ушбу нозик трюк сизга кичкина қуймоқчаларни тайёрлашга қўл келади. Шунчаки бўш вақтингизда оладйи хамирини тайёрлаб, уни муз бўлаклари учун мўлжалланган қолипга солиб қўйинг, шунда уни эрталаб шошиб турганингизда ишлатишингиз мумкин бўлади.
Қуйида оладйи хамирини музлатиш бўйича кўрсатма келтирилади.
Ишни хамир тайёрлашдан бошланг.
- ун — 1 стакан
- ёғсиз қаймоқ — 1 стакан
- тухум — 1 дона
- сариёғ — 2 ош қошиқ ва яна қовуриш учун ўсимлик ёғи
- пишириқ кукуни — 1 қошиқнинг 4 дан 3 қисми
- истеъмол содаси — ярим қошиқ
- туз — ярим қошиқ
Музлаткичнинг муз бўлаклари солинадиган идишидан фойдаланинг. Кубнинг тўртдан уч қисми тўлгунга қадар аралашма солинг. Ҳар бир куб тўлгандан кейин унинг устига шоколад бўлаклари, банан, ёнғоқ ёки ўзингизга ёққан бошқа маҳсулотларни қўшишингиз мумкин. Агар истасангиз хамирнинг устига ҳеч қандай маҳсулот солмасангиз ҳам бўлади.
Хамирни куб ичига солганингиздан кейин бир кеча музлаткичга қўйинг. Уни истаган вақтингизда пишириб олишингиз мумкин.
Оладйи тайёрлаш жараёнида хамирни кублардан ажратиб олинг ва тоза пластинка устида бироз эритинг. Уй бекаларнининг тажрибасига кўра улар пластинкадан кўра товада тезроқ эрийди.
Ўртача оловда товани қиздиринг. Тованинг сиртини сариёғ билан мойланг. Кейин эса унга эритилган, куб шаклидаги хамирни солинг. Музлатилган оладеларни пиширишга бироз кўп вақт кетади.
Тайёр бўлган оладеларнинг устига ўзингиз ёқтирган меваларни қўйинг. Уни мураббо ёки қаймоқ билан истеъмол қилишингиз ҳам мумкин.
Мавзуга доир:
- Қийма ва қовоқчадан тайёрланадиган оладе рецепти.
- Гуручли бўтқа, пишлоқли оладе, тухумли салат − глютенсиз мазали нонушта тайёрлаймиз.
- Қовоқдан тайёрланадиган пишлоқли оладе рецепти.
- Нонуштага пишлоқ ва колбасали оладе пиширамиз.
