Дазмол тозалашдан сутни узоқ сақлашгача: оддий туздан унумли фойдаланиш учун 12 та лайфхак

Туз таомларга таъм қўшишдан ташқари, бошқа имкониятларга ҳам эга. «Новий очаг» нашри ушбу маҳсулотдан унумли фойдаланиш бўйича 12 та лайфхак билан бўлишди.

Дазмолни тозалайди

Дазмол тагидаги сариқ ва қора доғлардан қутулиш учун мум қоғозга кўп миқдорда туз сепилади, устидан дазмолланади. Натижада доғлар изсиз йўқолади.

Тозалашни осонлаштиради

Тухум ерга тушгач, уни тозалаш бироз қийинлашади. Мато билан уни артиб олишга шошилмаслик зарур. Туз ортиқча суюқликни ўзлаштиради ва тозалашни осонлаштиради.

Доғни йўқотади

Гиламга қизил шароб тўкилганми? Вазият ёқимсиз, аммо ечимсиз эмас. Зарарланган жойга кўпроқ туз сепилади ва 5-10 дақиқа кутилади. Кейин доғ совуқ сув билан ювиб ташланади ва фен билан яхшилаб қуритилади.

Тахтакачни дезинфекциялайди

Ёғоч тахталарни идиш ювиш машинасида намлаш ёки ювиш мумкин эмас. Сиртни дезинфекция қилиш учун тузи сепилади ва яримта лимон билан ишқаланади. Кейин иссиқ сувда ювиб, қуритилади.

Қувурларни тозалайди

Уй шароитида экологик қувур тозалагич тайёрлаш мумкин. Бунинг учун 0,25 стакан истеъмол содаси ва 0,25 стакан туз аралаштирилади. Қувур катта заррачалардан тозаланади ва ичига кукун солинади, сўнгра аралашма устидан ярим стакан сирка қуйилади. 15 дақиқа ўтгач, қувурлар қайноқ сув билан ювилади.

Моғордан халос қилади

Сочиқларда моғор ҳиди борми? Зудлик билан қатъий чоралар кўриш керак. Туз ва лимон шарбати 1: 1 нисбатда аралаштирилади. Олинган аралашма керакли жойларга қўлланилади ва сочиқ қуёш нурида қуритилади. Шундан сўнг улар кир ювиш машинасида одатдаги тарзда ювилади.

Кирларни тозалайди

Шиша чойнак ёки қаҳва идишининг деворларини жигарранг доғдан тозалаш учун уни майдаланган муз билан тўлдириш керак. Кейин бир чой қошиқ сув ва бир неча чой қошиқ йирик туз қўшилади. Доғлар бутунлай йўқолгунча масса яхшилаб аралаштирилади.

Меваларни қорайишдан сақлайди

Тўғралган мевалар қораймаслиги учун уларни тузли сувда бир неча дақиқа намлаш ва кейин тоза сув билан ювиш керак. Кесилган жойларни қоғоз сочиқ билан қуритиб, қопқоқли идишда сақлаш тавсия этилади.

Чумолига қарши восита

Уйда чумолилар кўпайган бўлса, улар мавжуд бўлган жойга туз сепиш кифоя.

Тишларга ғамхўрлик қилади

Ярим стакан сувга бир чой қошиқ туз ва истеъмол содаси қўшиб, оғиз чайиш воситасини тайёрлаш мумкин. Албатта, у ялпиз таъмига эга бўлмайди, лекин оғиз бўшлиғи касалликларини бартараф этади.

Сутнинг сақлаш муддатини узайтиради

Сутни узоқроқ сақлаш учун унга бир чимдим туз қўшиш лозим. Ушбу лайфхак қаймоқ ва сметана учун ҳам иш беради.