Ўзбекистонда 2022 йилнинг 1 январь ҳолатига аёл раҳбарлар бошқарувидаги 16 359 та кичик корхона ва микрофирмалар 2021 йилда 2,3 триллион сўм соф фойда олган. Бу ҳақда Давлат статистика қўмитаси хабар қилди.
Қайд этилишича, худди шу даврда эркаклар бошқарувидаги 121 746 та кичик корхона ва микрофирмалар 2021 йилда 27,9 триллион сўм соф фойда олган.
Ўрта ҳисобда битта тадбиркорлик субъектига тўғри келадиган соф фойда миқдори тадбиркор эркак раҳбарлигидаги кичик тадбиркорлик субъектларида 229,7 миллион сўмни ташкил этган. Тадбиркор аёл раҳбарлигидаги корхоналарда бу кўрсаткич ўртача 141,4 миллион сўмни ташкил этган.
2022 йилнинг 1 январь ҳолатига Ўзбекистон Республикасида тадбиркор аёл раҳбарларнинг иқтисодий соҳалар бўйича фаолияти:
- савдо соҳасида – 14 147 та;
- хизматлар соҳасида – 10 057 та;
- саноатда – 5 543 та.
Изоҳ (0)