Ўзбекистонда помидор нархлари бир ойда ўртача 35 фоизга арзонлашган

Ўзбекистонда 2022 йилнинг июль ойида помидор нархлари июнь ойига нисбатан, яъни бир ойда ўртача 35,6 фоизга арзонлашган. Бу ҳақда Давлат статистика қўмитаси хабар қилди.

Қайд этилишича, помидор нархлари йил бошидан буён ўртача 62,4 фоизга пасайган.

Шунингдек, ўтган йилнинг мос ойига нисбатан, яъни йиллик нисбатда ўртача 4,8 фоизга ошгани кузатилган.