«Жабрланган ва жароҳатланганлар йўқ». Кўкдала ҳокимлиги ҳоким кубогидаги тўполон юзасидан қўшимча маълумот берди

Кўкдала тумани ҳокимлиги ҳоким кубоги пайтида содир бўлган тўполон масаласида муносабат билдириб, вазиятга аниқлик киритди.

«Кўкдала туманидаги ҳоким кубогида содир бўлган ҳолат бўйича суриштирув ишлари олиб борилмоқда. Воқеа сабаб жабрланган ва жароҳатланганлар йўқ. Ҳолат тегишли ташкилотлар назоратига олинган бўлиб, тез орада қўшимча маълумот берилади», — дейилади ҳокимлик муносабатида.

Кўкдала тумани ҳокимлиги ахборот хизматининг қўшимча қилишича, Қамаши туманида ташкил этилган ДХХ кубогида ҳам шундай тўполон юз берган.

«Мазкур видеотасвир аслида Кўкдала туманида эмас, аввалроқ Қамаши туманида ташкил этилган ДХХ кубогидаги жанжал видеоси бўлиб, буни Кўкдала туманидаги ҳоким кубоги ўйинларига алоқаси йўқ. Ижтимоий тармоқ фаолларидан маълумот тарқатаётганда аниқлик киритиб, кейин тарқатишларини сўраган бўлар эдик», — дейилади ҳокимлик ахборот хизмати муносабатида.