Навоий вилоятида Қизилтепа туманидаги истироҳат боғида 11 август куни ёнғин содир бўлди. Бу ҳақда Фавқулодда вазиятлар вазирлиги хабар қилди.
Қайд этилишича, ҳодиса 11 август куни соат 15:15 да Қизилтепа тумани «Алишер Навоий» МФЙ Ўзбекистон шоҳкўчасида жойлашган «Маданият" истироҳат боғи кириш қисмида содир бўлган.
Шунга кўра 2 та ёнғин-қутқарув экипажи соат 15:18 да воқеа жойига етиб бориб, ёнғин соат 15:19 да ўраб олинган ва соат 15:21 да ўчирилган.
Ёнғин оқибатида истироҳат боғига кириш аркасининг 3 квадрат метр майдонида шифт қисми ёниб зарарланган. Тезкор ҳаракатлар натижасида арканинг 25 квадрат метр майдони ёнғиндан сақлаб қолинган.
Ёнғин сабаби ва моддий зарар миқдори аниқланмоқда.
Изоҳ (0)