Тошкентда Миллий гвардия ходимини калака қилаётгандек видеога олган вайнер жазоланди. Бу ҳақда «Менинг юртим» телеканалининг «Марказий студия» информацион дастурида маълум қилинди.
Ушбу шахс ижтимоий тармоқда катта аудитория тўплаш мақсадида шундай видео олган. Бундан ташқари, метрополитеннинг «Пахтакор» бекатида тартиб-интизомни бузган ҳолда, экскаваторнинг ёпиб қўйилган йўлагига ўтиб ҳаракатланган. Метрополитен назоратчиларининг тартибга чақиришларини назар-писанд қилмасдан, бу хатти-ҳаракатлари акс этган видеони ижтимоий тармоқларга жойлаган.
Интернетда машҳур бўламан, деб жамиятда юриш-туриш қоидаларини бузган ушбу шахсга нисбатан маъмурий баённома расмийлаштирилиб, 10 сутка қамоқ жазоси тайинланган.
Унинг ўзи қилган ишидан пушаймонлигини билдириб, барчадан узр сўраган.
Изоҳ (0)