Миразиз Мирзахалилов қирғизистонлик, Лазиз Муллажонов эса британиялик боксчини муддатидан аввал мағлуб этди

Тошкент шаҳри мезбонлида ўтказилаётган профессионал бокс оқшоми доирасидаги иккита жанг якунланди.

Миразизбек Мирзахалилов (2-0, 2 КО) проф боксдаги иккинчи жангини Қирғизистон вакили Ислам Торобаевга (0-1) қарши ўтказди. Жанг ҳар икки боксчининг фаоллигида бошланди, вақт ўтган сари Мирзахалилов тизгинни ўз томонига оғдирди.

Учинчи раундда Миразизбек рақибнинг мувозанатдан чиқишига сабабчи бўлган қатор кучли зарбаларни йўналтирди. Учинчи раунддан кейин Торобаев томони жангни давом эттира олмаслигини маълум қилди ва Мирзахалилов техник нокаут билан ғалаба қозонди.

Бу Миразизбек учун проф боксдаги иккинчи ғалаба бўлди.

Яна бир жангда Лазизбек Муллажонов (3-0, 3 КО) Буюк Британия вакили Майкл Бассетга (2-6, 2 КО) қарши рингга чиқди. Биринчи раунд тўлиқ ўзбекистонлик боксчининг устунлигида ўтди. Иккинчи раундда Муллажоновнинг кетма-кет зарбаларидан кейин Бассетнинг секунданти рингга сочиқ улоқтирди ва техник нокаут қайд этилди.

Шу тариқа Лазизбек профессионал боксдаги учинчи жангини ҳам нокаутли ғалаба билан якунлади.