Футбол бўйича Англия Премьер Лигаси 2-туридан ўрин олган қатор учрашувлар 13 август, шанба куни бўлиб ўтди.
«Манчестер Сити» ўз уйида «Борнмут»ни қабул қилди. Биринчи бўлимда Илкай Гундўған, Кевин де Брюйне ва Фил Фоденнинг голлари эвазига «шаҳарликлар» ҳисобни йирик кўринишга келтирди.
79-дақиқада меҳмонлар вакили Жефферсон Лерма ўз дарвозасини ишғол қилиб қўйди. Қолган вақтда ҳисоб ўзгармади.
«Арсенал» Лондонда «Лестер»ни меҳмон қилди. «Канонирлар»нинг янги ўйинчиси Габриэль Жезус биринчи бўлимда дубль қайд этган ҳолда жамоасини танаффусга ғолиб ҳолда олиб чиқди.
53-дақиқада Уильям Салибанинг автоголидан кейин ҳисоб қисқарди. Бироқ лондонликлар орадан икки дақиқа ўтиб Гранит Жаканинг голи билан учинчи голни урди.
74-дақиқада Жеймс Мэддисоннинг голига «Арсенал» кўп ўтмай Габриэль Мартинеллининг голи билан жавоб қайтарди.
АПЛ
2-тур баҳслари
13 август, шанба
«Манчестер Сити» – «Борнмут» 4:0
Голлар: 1:0 – 19 Гундўған, 2:0 – 31 де Брюйне, 3:0 – 37 Фоден, 4:0 – 79, автогол Лерма.«Манчестер Сити»: Эдерсон, Уокер (Льюис, 82), Аке, Рубен Диаш (Стоунз, 64), Жоау Канселу, Гундўған (Бернарду Сильва, 65), де Брюйне, Родри, Фоден (Грилиш, 46), Маҳрез, Ҳоланд (Альварес, 74).
«Борнмут»: Треверс, Смит, Лерма, Келли, Мифем, Стейси, Кристи (Станислас, 63), Пирсон, Кук (Биллинг, 64), Таверне (Сенеси, 80), Мур.
Огоҳлантиришлар: Стейси (5), Мифем (56).
«Арсенал» – «Лестер» 4:2
Голлар: 1:0 – 23 Габриэль Жезус, 2:0 – 35 Габриэль Жезус, 2:1 – 53, автогол Салиба, 3:1 – 55 Жака, 3:2 – 74 Мэддисон, 4:2 – 75 Мартинелли.«Арсенал»: Рэмсдейл, Уайт (Томиясу, 75), Габриэль, Салиба, Зинченко (Тирни, 77), Жака, Парти, Эдегор, Сака (Смит-Роу, 84), Габриэль Жезус (Нкетиа, 84), Мартинелли.
«Лестер»: Уорд, Кастань, Эванс, Амарти (Дака, 63), Фофана, Жастин, Ндиди, Тилеманс (Прат, 63), Мэддисон, Дюзбери-Ҳолл, Варди (Иҳеаначо, 70).
Огоҳлантиришлар: Фофана (16), Томиясу (90).
Изоҳ (0)