Брокколи ва қаймоқ қўшиб тайёрланадиган мазали шўрва рецепти

Таркибида фойдали жиҳатлари кўп бўлган маҳсулотлардан тайёрланадиган ушбу таомни ҳар қандай вақтда истеъмол қилиш мумкин. Унга ўзингиз ёқтирган кўкатларни ҳам қўшсангиз бўлади.

Керакли масаллиқлар:

• пиёз — 1 дона
• брокколи — 560-580 г
• сариёғ — 5 қошиқ
• товуқли ёки сабзавотли шўрва — 750 мл
• ун — 3 қошиқ
• қаймоқ — 450 мл 
• туз — таъбга кўра
• пишлоқ — таъбга кўра
• мурч — таъбга кўра
• кўкатлар — таъбга кўра

1. Пиёзни майда қилиб тўғраб олинг. Брокколини ҳам гулбаргларидан ажратинг.
2. Ўртача оловда икки қошиқ сариёғни қиздиринг. Пиёзни қизаргунча ва юмшоқ бўлгунча қовуринг.
3. Брокколига иссиқ шўрвани қўшинг ва ўртача оловда тахминан 10 дақиқа қайнатиб олинг.
4. Пюрени тайёрлаш учун ҳар бир маҳсулотни блендер билан эзинг.
5. Қолган сариёғни товада ўртача оловда қиздиринг. Унга ун солинг ва аралаштиринг.
6. Унни секин-аста бошқа идишга солинг, эътибор беринг, ҳеч қандай ун доначалари қолмасин.
7. Ушбу пюренинг устидан брокколи солинг, озгина туз ва мурч қўшиб аралаштиринг.
8. Истеъмол қилишдан олдин ҳар бир идишга солинган шўрванинг устига майдаланган кўкат ва пишлоқ солинг.

• Макарон ва брокколи қўшиб тайёрланадиган пишлоқли запеканка рецепти.
• Брокколи ва қизил ясмиқ қўшиб тайёрланадиган пюре-шўрва рецепти.
• Колбаса ва брокколи қўшиб тайёрланадиган запеканка рецепти.
• Брокколи қўшилган қизил балиқли запеканка рецепти.