Помидор, бақлажон ва саримсоқдан тайёрланадиган витаминга бой салат рецепти

«Профил» нашри тақдим этган ушбу рецептга кўра, помидор, бақлажон ва саримсоқли салатни тайёрлаш жуда осон. Салат кам масаллиқ талаб қилса-да, мазаси оғизда қолади.

Керакли маҳсулотлар:

• бақлажон — 2 дона;
• бодринг — 3 дона;
• помидор — 3 дона;
• саримсоқ — 2 бўлак;
• сметана — 3 ош қошиқ;
• ўсимлик ёғи — 70 мл;
• кўкат, туз ва зираворлар.

1. Бақлажон катта тўртбурчак шаклда тўғраб олинади.
2. Сўнгра ўртача оловда қизиган ёғда қовурилади.
3. Бодринг ва помидор ҳам катта тўртбурчак шаклда тўғралади.
4. Кўкатлар майда тўғралади.
5. Қовурилган бақлажон совигач, тўғралган саримсоқ қўшилади.
6. Сўнгра барча масаллиқ аралаштирилиб, сметана қўшилади.
7. Туз ва зираворлар сепилиб, яхшилиб аралаштирилгач, дастурхонга тортилади.