Ушбу таомда орегано ва саримсоқнинг нозик ҳиди, пишлоқ ва черри помидорининг нордон таъми уйғунлашади. Қовоқча, помидор ва пишлоқдан тайёрланадиган таомга ўзингиз ёқтирган кўкатларни ҳам қўшишингиз мумкин.
Керакли масаллиқлар:
- қовоқча — 1400 г
- туз — 2 қошиқ
- черри помидори — 250 г
- саримсоқ — 3 дона
- пишлоқ — 100 г
- ўсимлик ёғи — 1-2 қошиқ ва қўшимча мойлаш учун
- қуритилган орегано
- тухум — 6 та
- сут — 160 мл
- ун — 40-50 г
- мурч — таъбга кўра
- Қовоқчани каттароқ тишли қирғичдан ўтказинг ёки узунасига майдалаб тўғранг. Унга бир қошиқ туз солинг ва аралаштириб 15 дақиқага қолдиринг. Кейин қовоқчадан ажралиб чиққан сувни сиқиб олинг.
- Черри помидорларини бўлакларга бўлинг. Саримсоқни пичоқ билан майдаланг ва пишлоқни қирғичдан ўтказинг.
- Ўсимлик ёғини қиздиринг. Помидорларни саримсоқ ва орегано билан аралаштиринг. Ўсимлик ёғи қиздирилган идишга солиб 4-5 дақиқа давомида қовуринг.
- Тухумни сут, ун, туз ва қалампир билан кўпиртиринг ва унга пишлоқ, қовоқча, помидор қўшиб аралаштиринг.
- Масаллиқларни ёғланган идишга солинг. Қовоқчали пирогни 50-60 дақиқа 180 даража ҳароратда пиширинг.
Мавзуга доир:
Изоҳ (0)