Финляндия ОАВларининг маълумотларига кўра, сешанба (9 август) куни Финляндияда хакерлар гуруҳи мамлакат парламенти веб-сайтига бузиб киргани аниқланган. Ҳозирда сайт бир неча соатдан бери ишламаяпти. Бу ҳақда «Интерфакс» хабар бермоқда.
Биз ҳукумати НАТОга аъзо бўлишни жуда истайдиган қўшни Финляндияга «дўстона» ташриф буюришга қарор қилдик, — дейилади NoName057(16) ижтимоий тармоқларда эълон қилинган баёнотда.Ҳужум маҳаллий вақт билан 14:30 да (Тошкент вақти билан 16:30) уюштирилган, бироқ соат 21:00 га келиб ҳам сайт ҳалигача ўз фаолиятини тикламаган.
ОАВ хакерлар гуруҳини россияпарастлар деб атамоқда. Маълум қилинишича, ушбу гуруҳ аввалроқ Польша, Литва ва Норвегия давлат муассасаларига ҳам киберҳужумлар уюштирган.
Мавзуга доир: Финляндия АҚШ ҳарбий-денгиз кучлари билан қўшма машғулотлар ўтказади
Изоҳ (0)