Жорий йилда умумий глобал иқтисодий ўсиш кутилмалари ёмонлашганига қарамай, МДҲ мамлакатлари учун макроиқтисодий прогнозлар яхшиланмоқда. Бу ҳақда Коммерсант хабар бермоқда.
Ялпи ички маҳсулотнинг пасайиши Россия, Украина, Беларусь ва Молдовада ҳамон прогноз қилинмоқда. Шу билан бирга, жорий йилда Россия иқтисодиёти қисқариш тахминлари 9,3 фоиздан 8,1 фоизга, Украинаники -36,3 фоиздан -34,6 фоизга камайди.
МДҲ мамлакатларида иқтисодиёт ҳолат бўйича прогноз яхшиланишда давом этмоқда – 2022 йилда ушбу минтақада пасайиш бир ой аввал кутилган 8,3 фоиз ўрнига 7,2 фоизни ташкил қилиши мумкин.
Таҳлил қилиш мақсадида МДҲ минтақасига нафақат ҳамдўстликка аъзо бўлган давлатлар, балки Украина, Грузия ва Туркманистон ҳам киради.
Украинадаги урушнинг оқибатлари инфляциянинг ўсиши, ташқи талабнинг заифлашиши ва инвестициялар оқими орқали минтақа иқтисодиётига таъсир қилади, — дейди Focus Economics.
Минтақадаги мамлакатлар орасида энг катта таназзул ҳамон экспортнинг рекорд даражада пасайиши ва инфратузилманинг вайрон бўлиши оқибатларига дуч келаётган Украина иқтисодиёти учун прогноз қилинмоқда.
Бироқ бу ҳолатда, смета ҳам яхшиланди — -36,3 фоиздан -34,6 фоизга. Белорусда бу йилги пасайиш 6,3 фоизни, келгуси йилда 0,6 фоизни ташкил қилади ва сўнгги 27 йилдаги энг кескин пасайиш бўлади. Мамлакат иқтисодиётига қўшимча санкциялар хавфи ҳам таҳдид солмоқда.
Қолган МДҲ мамлакатлари ижобий ўсиш суръатларини сақлаб қолади. Ўтган йилга нисбатан кўрсаткичнинг энг кам пасайиши Озарбайжонда бўлади, бу ерда ўсиш 4,6 фоизга ва Қозоғистонда 3,3 фоизга кутилмоқда.
Арманистоннинг жорий йил учун баҳосини сезиларли даражада яхшилаган — 1,9 фоиздан 3,7 фоизгача.
Жаҳон банкининг прогнозига кўра, 2022 йилда Ўзбекистон ялпи ички маҳсулоти 4,3 фоизга, 2023 йилда 5,3 фоизга, 2024 йилда эса 5,5 фоизга ўсиши кутилмоқда.
Изоҳ (0)