Бельгияда 1997 йилдан бери илк бор рекорд даражадаги инфляция кузатилди

Бельгияда инфляция деярли 10 фоизга етди, бу 1997 йилдан бери рекорд кўрсаткичдир. Бу ҳақда La Libre Belgiquye’га таяниб, «Интерфакс» хабар берди.

1997 йилдан бошлаб, Eurostat статистика хизмати методологияси бўйича ҳисоб-китоблар бошланганидан бери, биринчи марта Бельгияда апрелдан июнгача ўртача инфляция даражаси 9,9 фоизни ташкил этди.

Мамлакатдаги инфляция асосан энергия нархларининг кўтарилиши билан изоҳланади. Иккинчи чоракда улар 64,3 фоизга қимматлашган.

Аммо 2021 йил охиридан бошлаб инфляция бошқа барча маҳсулот гуруҳларида ҳам ўсиб бормоқда.

Шундай қилиб, у жорий йилнинг иккинчи чорагида озиқ-овқат маҳсулотлари бўйича 6,5 ​​фоизни ташкил этди.

Аввалроқ Туркияда инфляция қарийб 80 фоизга етгани ҳақида хабар берилганди.