Оқ уй Миллий хафвсизлик кенгашининг стратегик алоқалар бўйича координатори Жон Кирбининг айтишича, АҚШ Афғонистонда аксилтеррор амалиётларини ўтказиш ҳуқуқини ўзида сақлаб қолади. Унинг таъкидлашича, бу амалиётлар биринчи навбатда «Ал-Қоида» террор гуруҳига қаратилган. Бу ҳақда «Коммерсантъ» хабар бермоқда.
Жон Кирбининг маълум қилишича, Афғонистонда ҳали ҳам кам сонли «Ал-Қоида» жангарилари бор. Унинг раҳбари Усама бин Лодиннинг ўнг қўли Айман аз-Завоҳир 31 июль куни Афғонистонда Марказий разведка бошқармаси операцияси чоғида ўлдирилган. Аммо гуруҳ раҳбарининг йўқ қилиниши «Ал-Қоида» таҳдиди йўқ бўлганини англатмайди.
Агар биз Америкага улардан ёки бошқа террористик гуруҳдан таҳдидни сезсак, АҚШ президенти Жо Байден қайтадан бу қадамни амалга ошириш ҳуқуқини ўзида сақлаб қолади», — дейди Жон Кирби Оқ уйда бўлиб ўтган брифингда.Қўшма Штатлар 2021 йилнинг 30 августида Толибон ҳокимият тепасига келганидан сўнг ўз қўшинларини Афғонистондан олиб чиқиб кетган. Шундан сўнг толиблар «Ал-Қоида» террорчиларини мамлакатга киритмасликка ваъда берди. Бироқ, АҚШ Давлат котиби Энтони Блинкеннинг айтишича, Толибон уларга Афғонистондан бошпана олишга рухсат бериб, ўз мажбуриятларини бузган.
Шу билан биргаликда «Ал-Қоида» етакчиси 2016 йилда Толибон етакчисини қўллаб-қувватлашини билдирган эди.
Изоҳ (0)