Тошкент вилояти, Қибрай туманидаги дала ҳовли кимошди савдосига қўйилди. Лот маълумотлари «E-auksion» порталида эълон қилинган.
Дала ҳовли аукционга иқтисодий судлар ҳукми билан Ўрта Чирчиқ тумани МИБ томонидан қўйилган. 2002—2016 йилларда қурилган ҳовли 3 қават ва 8 хонадан иборат. Бино ичидаги мулклар хатланмаган.
Ер участкасининг умумий майдони — 0,06 гектар. Бинонинг майдони — 386 квадрат метр. Ҳовлида газ, сув, электр таъминоти ва канализация тизими мавжуд.
Аукционга қўйилган ҳовлининг бошланғич баҳоси — 1,88 млрд сўм. Аризалар 8 август 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги кўп қаватли уй МИБ томонидан 14 млрд сўмга аукционга қўйилгани ҳақида хабар берилганди.
Изоҳ (0)