Тошкент шаҳар, Шайхонтоҳур тумани «Чорсу» жарима майдонида жойлашган Range Rover автомобили кимошди савдосига қўйилди. Лот маълумотлари «E-auksion» проталида эълон қилинган.
Лот изоҳида ёзилишича, давлат рақами 01Y057HB бўлган автомобиль 2019 йилда ишлаб чиқарилган ва техник соз ҳолатда.
Range Rover кимошди савдосига фуқаролик ишлари бўйича суд ҳукми билан Чилонзор тумани МИБ томонидан қўйилган.
«E-auksion» портали матбуот котибининг маълум қилишича, бундай юқори нархдаги автомобиль аукциони камдан кам учрайди ва ушбу лот энг қимматларидан биридир.
Аукционга қўйилган автомобилнинг бошланғич баҳоси — 2,5 млрд сўм. Аризалар 1 август 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги кўп қаватли уй МИБ томонидан 14 млрд сўмга аукционга қўйилгани ҳақида хабар берилганди.
Изоҳ (0)