Ринат Ахметовнинг бойлиги йил бошидан буён 64 фоизга камайди, бироқ у ҳамон Украинадаги энг бой одам бўлиб қолмоқда. Бу ҳақда Forbes хабар берди.
Ахметов йил бошидан бери металлургия, энергетика, қишлоқ хўжалиги ва оммавий ахборот воситаларининг бир қисмисиз қолди.
Бунинг оқибатида унинг капитали икки бараварга қисқарди — 13,7 миллиарддан 4,9 миллиард долларгача.
Тадбиркорнинг асосий бизнеси — «Метинвест» компанияси ўз қийматининг учдан икки қисмини йўқотди.
У иккита асосий корхона — Азовсталь ва Мариупол Илйич темир-пўлат заводидан айрилди. Ўтган йили улар жами 8,6 миллион тонна пўлат ишлаб чиқарган эди (Украина металлургия ишлаб чиқаришининг 40 фоизи).
Айни пайтда, Ахметовнинг SСМ Group компанияси Россияга қарши даъво аризаси беришга қарор қилди. Миллиардер Украина барча товон пулларини тўлиқ талаб қилиши ва уларни олишига ишонч билдирди.
Изоҳ (0)