Toshkent viloyati, Qibray tumanidagi dala hovli kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Dala hovli auksionga iqtisodiy sudlar hukmi bilan O‘rta Chirchiq tumani MIB tomonidan qo‘yilgan. 2002—2016-yillarda qurilgan hovli 3 qavat va 8 xonadan iborat. Bino ichidagi mulklar xatlanmagan.
Yer uchastkasining umumiy maydoni — 0,06 gektar. Binoning maydoni — 386 kvadrat metr. Hovlida gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 1,88 mlrd so‘m. Arizalar 8-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi ko‘p qavatli uy MIB tomonidan 14 mlrd so‘mga auksionga qo‘yilgani haqida xabar berilgandi.
Izoh (0)