2022 йилнинг июнь—июль ойларида автомобилларга газ тўлдириш компрессор шохобчаларида (АГТКШ) ўтказилган тадбир давомида бир қатор АГТКШларида табиий газдан фойдаланишда қонун бузилиш ҳолатларига йўл қўйилганлиги аниқланди. Бу ҳақда Энергетика вазирлиги хабар бермоқда.
Табиий газдан ноқонуний фойдаланиш қуйидаги ҳудудларда аниқланган:
- Бухоро вилоятидаги 3 та АГТКШда 2,2 млрд сўмлик;
- Самарқанд вилоятидаги 2 та АГТКШда 3,3 млрд сўмлик;
- Сирдарё вилоятидаги 5 та АГТКШда 3,6 млрд сўмлик;
- Жиззах вилоятидаги 17 та АГТКШда 31,3 млрд сўмлик;
- Қашқадарё вилоятидаги 1 та АГТКШда 1,5 млрд сўмлик.
Қоидабузарликларни келиб чиқиши АГТКШларининг ўлчов тизимларидаги кўрсаткичларга ташқи таъсир билан боғлиқ эканлиги жуда ачинарли ҳолат, — дейди вазирлик
Ҳисоб-китобларга асосан, мазкур корхоналар томонидан давлат манфаатларига етказилган зарар миқдори 41,9 млрд сўмни ёки 209 мингга яқин хонадонларни ёз мавсумидаги бир ойлик истеъмолига тенг бўлган табиий газдан ноқонуний фойдаланиб келинганлиги маълум бўлди.
Аввалроқ «Дарё» мухбирлари газ қуйиш шохобчаларидаги нарх-навони ўрганган эди.
Изоҳ (0)