2022-yilning iyun—iyul oylarida avtomobillarga gaz to‘ldirish kompressor shoxobchalarida (AGTKSH) o‘tkazilgan tadbir davomida bir qator AGTKSHlarida tabiiy gazdan foydalanishda qonun buzilish holatlariga yo‘l qo‘yilganligi aniqlandi. Bu haqda Energetika vazirligi xabar bermoqda.
Tabiiy gazdan noqonuniy foydalanish quyidagi hududlarda aniqlangan:
- Buxoro viloyatidagi 3 ta AGTKSHda 2,2 mlrd so‘mlik;
- Samarqand viloyatidagi 2 ta AGTKSHda 3,3 mlrd so‘mlik;
- Sirdaryo viloyatidagi 5 ta AGTKSHda 3,6 mlrd so‘mlik;
- Jizzax viloyatidagi 17 ta AGTKSHda 31,3 mlrd so‘mlik;
- Qashqadaryo viloyatidagi 1 ta AGTKSHda 1,5 mlrd so‘mlik.
Qoidabuzarliklarni kelib chiqishi AGTKSHlarining o‘lchov tizimlaridagi ko‘rsatkichlarga tashqi ta’sir bilan bog‘liq ekanligi juda achinarli holat, — deydi vazirlik
Hisob-kitoblarga asosan, mazkur korxonalar tomonidan davlat manfaatlariga yetkazilgan zarar miqdori 41,9 mlrd so‘mni yoki 209 mingga yaqin xonadonlarni yoz mavsumidagi bir oylik iste’moliga teng bo‘lgan tabiiy gazdan noqonuniy foydalanib kelinganligi ma’lum bo‘ldi.
Avvalroq “Daryo” muxbirlari gaz quyish shoxobchalaridagi narx-navoni o‘rgangan edi.
Izoh (0)