«Ювентус» ва Франция терма жамоаси ярим ҳимоячиси Пол Погба Қатарда бўлиб ўтадиган Жаҳон Чемпионатини ўтказиб юбориши мумкин, дея хабар беради Football Italia.
Манбага кўра, Погба мутахассис билан маслаҳатлашиб, тиззасидаги жароҳатни даволаш масаласини ҳал қилади. Чунки Пол ЖЧ—2022 ни ўтказиб юбориши мумкинлигидан хавотир олмоқда.
Футболчи ўтган ҳафтада Лос-Анжелесдаги машғулот чоғида ўнг тизза менискини шикастлаб олган. Погба АҚШда жарроҳлик столига ётиши кутилган эди, бироқ у 27 июль куни Италияга қайтиб кетган.
Ушбу жароҳатнинг ярим ҳимоячи учун икки хил оқибати мавжуд. Улардан бири Пол 2022 йилги мундиални ўтказиб юборишига сабаб бўлиши мумкин. Биринчи вариант ярим ҳимоячидаги менискнинг бир қисмини олиб ташлаш. Бунда Погба 40—60 кунга сафдан чиқади. Аммо бу одатда ёш футболчиларга кўпроқ мос келади, чунки амалиёт тиззанинг ҳаракатчанлигига таъсир қилиши мумкин.
Бошқа бир вариант эса — жароҳатни тикиш. Аммо бу ўйинчини 4-5 ойга сафдан чиқишга мажбур қилади. Шу тариқа Погба муниални ўтказиб юборади.
29 ёшли футболчи ёзда эркин агент сифатида «Ювентус» сафига қайтди. Маълумот учун, француз 2012 йилдан 2016 йилгача ҳам Турин клубида ўйнаган, шундан сўнг 100 миллион евро эвазига «Манчестер Юнайтед»га ўтганди.
Изоҳ (0)