«Барселона» Роберт Левандовски 9-рақамда ўйнашини хоҳлайди.
Diario Sport хабарига кўра, каталонияликлар Робертга ҳозирда Мемфис Депай томонидан банд қилинган 9-рақамдан бошқа рақамни бермайди. Каталонлар польшалик ҳужумчига бу рақамни ваъда қилган.
Нидерландиялик ҳужумчи жамоани тарк этиши кераклигини билади. Раҳбарият Левандовски, Рафиньянинг жамоага келиши, Усмон Дембеле билан шартномани узайтиргани, ҳужум чизиғида футболчилар кўпайиб кетгани туфайли Мемфис Депай ва Мартин Брэйтуэйт билан хайрлашишга қарор қилган.
Маълумот учун, Левандовски «кўк-анорранглилар» билан 2025 йилга қадар мўлжалланган шартнома имзолади. 33 ёшли ҳужумчи солиқлардан ташқари йилига 9 миллион евро маош олади.
Аввалроқ Депайга «Интер» ва «Ювентус» қизиқиш билдираётгани хабар қилинганди.
Изоҳ (0)