“Yuventus” va Fransiya terma jamoasi yarim himoyachisi Pol Pogba Qatarda bo‘lib o‘tadigan Jahon Chempionatini o‘tkazib yuborishi mumkin, deya xabar beradi Football Italia.
Manbaga ko‘ra, Pogba mutaxassis bilan maslahatlashib, tizzasidagi jarohatni davolash masalasini hal qiladi. Chunki Pol JCH—2022 ni o‘tkazib yuborishi mumkinligidan xavotir olmoqda.
Futbolchi o‘tgan haftada Los-Anjelesdagi mashg‘ulot chog‘ida o‘ng tizza meniskini shikastlab olgan. Pogba AQSHda jarrohlik stoliga yotishi kutilgan edi, biroq u 27-iyul kuni Italiyaga qaytib ketgan.
Ushbu jarohatning yarim himoyachi uchun ikki xil oqibati mavjud. Ulardan biri Pol 2022-yilgi mundialni o‘tkazib yuborishiga sabab bo‘lishi mumkin. Birinchi variant yarim himoyachidagi meniskning bir qismini olib tashlash. Bunda Pogba 40—60 kunga safdan chiqadi. Ammo bu odatda yosh futbolchilarga ko‘proq mos keladi, chunki amaliyot tizzaning harakatchanligiga ta’sir qilishi mumkin.
Boshqa bir variant esa — jarohatni tikish. Ammo bu o‘yinchini 4-5 oyga safdan chiqishga majbur qiladi. Shu tariqa Pogba munialni o‘tkazib yuboradi.
29 yoshli futbolchi yozda erkin agent sifatida “Yuventus” safiga qaytdi. Ma’lumot uchun, fransuz 2012-yildan 2016-yilgacha ham Turin klubida o‘ynagan, shundan so‘ng 100 million yevro evaziga “Manchester Yunayted”ga o‘tgandi.
Izoh (0)